(Toıdan tys tilek)
Bul áýletten bir emes, birneshe ǵalym shyqqan. Jalpy, Salqynbaıdyń salqynqandy urpaqtary shetinen izdenimpaz, qaı-qaısysy da bir nárseni qolǵa alsa, túbine jetpeı tynbaıdy. Máselen, Anar Salqynbaı – fılologııa ǵylymdarynyń doktory, professor, elimizdegi tanymal lıngvısterdiń biri. Zeınolla Salqynbaev – ádebıettanýshy, fılologııa ǵylymdarynyń kandıdaty. Al Muhıt (Muhıddın) Salqynbaev – belgili shyǵystanýshy ǵalym. KazGÝ-diń túlegi. Arab tiliniń mamany. Ádebıet jáne óner ınstıtýtynda aspırantýrada oqydy. Jıyrmasynshy ǵasyrdaǵy qazaq-arab ádebı baılanystaryn zerttep, kandıdattyq dıssertaııa qorǵady.
Sodan soń ózi oqyǵan ýnıversıtettiń shyǵystaný fakýltetinde birneshe jyl dáris berdi. Arab tili kafedrasynyń meńgerýshisi boldy. Ǵylymı izdenisterin de júıeli jalǵastyrdy. Mıllıondardy tamsandyrǵan «Myń bir túnniń» tylsymyna den qoıdy, tamyry tereńde jatqan «Kalıla men Dımnanyń» bastaý-bulaǵyna úńildi.
Qysqasy, Qazaq elindegi shyǵystaný ǵylymynyń tútini túzý ushýyna eleýli úles qosty. Sonymen qatar birqatar buqaralyq aqparat quraldarynda da medıamenedjer Muhıttyń qoltańbasy qaldy. Qazir memlekettik qyzmette. Nesi bar, ǵylymı oı-tujyrymǵa beıim jigitter bul salaǵa da qajet.
* * *
Búgin sol Muhıt eńseli elýdiń qaqpasyn qaqty. Mereıli jasyńmen quttyqtaımyz! Amandyq tileımiz! Jaryq dúnıedegi jolyńdy jalǵaǵan jarty ǵasyryńnyń jemisi aldaǵy ǵumyryńa azyq bolsyn!
Baýyrjan OMARULY
