Táýelsizdiktiń 30 jyldyǵyna oraı erler arasynda voleıbol jarysy ótti

1202
Friends playing volleyball at the beach
Friends playing volleyball at the beach

Táýelsizdiktiń 30 jyldyǵyna oraı aýdandyq dene shynyqtyrý jáne sport bólimi men jastar resýrstyq ortalyǵynyń uıymdastyrýymen erler arasynda voleıbol jarysy ótti. Sporttyq básekege aýyldyq okrýgterge qarasty sport komandalary qatysty. Epıdemıologııalyq jaǵdaıǵa baılanysty qatysýshy komandalar aldymen úsh orynda oıyn kórsetti.

Saltanatty jıynnyń ashylýy dene shynyqtyrý-saýyqtyrý kesheninde ótti. Atap óteıik, keshenniń ashylýy karantın ýaqytyna túskendikten, bul sý jańa ǵımaratta osy ýaqytqa deıin eshbir jarys ótkizilmegen. Voleıbol jarysy – keshende ótkizilgen eń alǵashqy sporttyq jarys.

Sporttyq jarystyń ashylý saltanatynda aýdandyq máslıhat hatshysy Q.Satanov sóz sóılep, osyndaı qıyn ýaqytta salaýatty ómir saltyn nasıhattaý, sportshylardyń sheberligin shyńdaý óte mańyzdy ekenin aıtty. Sonymen qatar jergilikti basylymnyń bas redaktory, sporttyq básekelerde boı kórsetip júrgen J.Isabaev ta sportshylar qaýymyna ıgi tilegin joldady.

Tartysty ótken jarysqa barlyǵy on komanda qatysty: Qaınarly, Syrymbet, Aldabergenov, Aqyn Sara, Jalǵyzaǵash, Kókjazyq, Qarabulaq, Bıǵash, Baqtybaı jáne Jetisý qurama komandalarynyń sportshylary. Tartysty básekede barlyq qurama komandanyń oıynshylary bar sheberlikterin kórsetti.

Qyzý tartysty ótken jarystyń qorytyndysy boıynsha I oryndy Aldabergenov, II oryndy Baqtybaı jáne III oryndy Jalǵyzaǵash qurama komandalarynyń sportshylary ıelendi. Jeńimpazdar dıplom, kýbok, medaldarmen jáne syılyqtarmen marapattaldy. Oıynda belsendi óner kórsetken Jalǵyzaǵash qurama komandasynyń oıynshysy D.Orynbasar kórermender kózaıymyna ıe bolyp, arnaıy syılyqpen marapattaldy.

Zeınegúl JUMABEKOVA

 

Pikirler
Uqsas jańalyqtar