Almaty oblysynyŋ Ile audanynda jylyna 400 tonna balyq öndıretın «Baqyt» käsıporny ıske qosyldy.
İnvestisiia qūny – 500 mln teŋge. Mūhametjan Tüimebaev auylynda aşylǧan şaruaşylyqta balyq ösırumen qatar, ol üşın qajettı tor qorşau men onyŋ bölşekterı jasalady. Käsıporyn – atalǧan qūral-jabdyqtardy şyǧaratyn elımızdegı alǧaşqy öndırıs oşaǧy.
Saltanatty räsımge Almaty oblysy äkımınıŋ orynbasary Baqytnūr Baqytūly qatysyp, jaŋa käsıporynnyŋ aşyluymen qūttyqtady. 
«Būl joba – öŋırımızdegı balyq şaruaşylyǧyn damytuǧa, otandyq öndırıstı qoldauǧa jäne auyl ekonomikasyn nyǧaituǧa baǧyttalǧan maŋyzdy bastama. Bügınde käsıporyn önımderı Almaty oblysynan bölek, Şyǧys Qazaqstan, Pavlodar, Türkıstan, Batys Qazaqstan men Jetısu oblysynyŋ balyq şaruaşylyqtaryna jetkızılıp, paidalanyluda. Būl otandyq jabdyqtarǧa sūranystyŋ joǧary ekenın jäne käsıporynnyŋ elımızdegı balyq şaruaşylyǧyn damytuǧa eleulı üles qosyp otyrǧanyn körsetedı. «Baqyt» şaruaşylyǧy aldaǧy uaqytta öndırısın keŋeitıp, halyqty sapaly önımmen qamtamasyz etuge septıgın tigızedı dep senemın», – dedı Baqytnūr Baqytūly. Sondai-aq ol Almaty oblysynda būl salany damytuǧa erekşe köŋıl bölınıp jatqanyn jetkızdı. Aituynşa, biyl öŋırde balyq şaruaşylyǧyn damytuǧa 1 mlrd teŋge subsidiia bölındı. Bügınde oblysta 53 balyq ösıretın şaruaşylyq jūmys ısteidı. Byltyr öŋırde 5,8 myŋ tonna balyq öndırıldı. Biyl onyŋ kölemın 10 myŋ tonnaǧa, al 2030 jylǧa qarai 20 myŋ tonnaǧa jetkızu josparlanyp otyr. Bügın aşylǧan «Baqyt» şaruaqojalyǧy osy maqsatty jüzege asyruǧa, auylda käsıpkerlıktı damytyp, tūrǧyndardy jūmyspen qamtuǧa mümkındık beredı.
Käsıporynda balyqtar köldıŋ ortasynda arnaiy tor qorşauda ösırıledı. Şaruaqojalyq basşysy Baqyt Aldybaevtyŋ aituynşa, äuelı salmaǧy 200 gramm şabaq suǧa jıberılıp, 3 aidyŋ ışınde 2,5-3 kelı tartatyn balyqqa ainalady. Balyqtarǧa ekologiialyq taza jem berıledı. Käsıporyn qazırdıŋ özınde 100 tonnadan astam önım alyp ülgerdı. Ol üşın 12 tor qorşau qoldanyldy. Kelesı jyly balyq kölemın 400 tonnaǧa jetkızıp, qorşaudy 30-ǧa köbeitu josparlanyp otyr. Mūnda käsıbi mamandardan qūralǧan 15 adam jūmys ısteidı. Olar balyqtyŋ jaǧdaiyn qadaǧalaidy. Qazırgı taŋda şaruaşylyqqa qajet qorşau käsıporynnyŋ özınde jasalady. Al tor şetelden importtalady. Bolaşaqta tor toqityn seh aşyp, öndırıs ornyn köbeitu josparlanuda. Sol kezde jūmysşylar sany 45-50 adamǧa köbeiedı.
Käsıporynnyŋ aşylǧanyna M.Tüimebaev auylynyŋ tūrǧyndary dän riza. Solardyŋ bırı – Ämze İsaev.
«Auylymyzda osyndai igı jobanyŋ ıske asyrylyp jatqany –qūptarlyq ıs. Būl eldımeken tırşılıgıne jan bıtırıp, jaŋa mümkındıkter syilaidy. Auylymyzdaǧy kölde kezınde balyq şaruaşylyǧy jaqsy damyǧan. Bıraq keiın qiyn kezeŋderde tūralap qaldy. Būl bastamanyŋ qaita jandanyp jatqanyna quanyştymyn», – dedı tūrǧyn.
