Rýhanı jańǵyrýǵa bastaıtyn tyń qadam

3113
Adyrna.kz Telegram

«Jetisý – oqyrmandar mekeni» jobasynyń resmı tusaýkeseri  Ilııas Jansúgirov atyndaǵy Jetisý ýnıversıtetiniń bas ǵımaratynda ótti.

«Rýhanı jańǵyrý» jobalyq keńsesi dırektory Dana Dıýsenova men joba jetekshisi, oblystyq «Rýhanı jańǵyrý» jobalyq keńsesi dırektorynyń orynbasary Erjan Darmyshev bul jobany iske asyrý barysyna, maqsattary men mindetter týrasynda egjeı-tegjeıli aıtyp berdi.

Qazirgi zamanaýı qoǵamda aqparattyq jáne ıfrlyq tehnologııalardyń qarqyndy damýy jaǵdaıynda dástúrli rýhanı qundylyqtardyń jandanýy erekshe mánge jáne ózektilikke ıe bolýda. Sondyqtan, Qazaqstanda ásirese, jas urpaqtyń arasynda oqyrman qoǵamyn qalyptastyrýǵa basymdyq berilýde, - deıdi spıkerler.

Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda kóptegen jumystar qolǵa júzege asýda.

Bıylǵy  Táýelsizdiginiń 30 jyldyǵyn merekeleý qarsańynda Almaty oblysynyń ishki saıasat basqarmasymen jáne «Rýhanı jańǵyrý» jobalyq keńsesimen «VIP ZHETYSU» zııatkerlik klýby, «ZHETYSU QUEST» jáne «IQ DODA» zııatkerlik oıyndary, «ZERDE» televızııalyq tok shoýy sııaqty zııatkerlikti damytýǵa baǵyttalǵan birqatar jobalar ázirlendi.

Bıylǵy jyldyń basty oqıǵalarynyń biri — oqyrman ulttyń ımıdjin qalyptastyrýǵa, sondaı-aq tarıhı-mádenı qundylyqtardy nasıhattaýǵa baǵyttalǵan «Jetisý — oqyrmandar mekeni» vendıng apparattaryn engizý jobasynyń ázirlenýi. Joba — ıfrlyq tehnologııalar men ádebı-rýhanı muralardyń sıntezi bolyp tabylady.

Jobanyń máni — sandyq tehnologııalardy qoldana otyryp, kez-kelgen adamǵa tańdalǵan kitapty oıyn arqyly jeńip alýǵa múmkindik beretin kitap oqýdy tanymal etý. Sonymen qatar bul kitap elektrondy emes, dástúrli qaǵazǵa basylǵan kitap.  Avtomat sensorlyq ekranmen jabdyqtalǵan jáne qatysýshylarǵa Táýelsiz Qazaqstannyń tarıhyna, mádenıetine, geografııasyna baılanysty tanymdyq sıpattaǵy suraqtar qoıatyn biregeı baǵdarlamalyq jasaqtama ornatylǵan.

Usynylǵan suraqtarǵa durys jaýap bergen kezde vendıng-apparat avtomatty túrde aldyn-ala tańdalǵan kitapty shyǵarady.  Oıyndy bastamas buryn, qurylǵyda bar ádebıetter tizimin bilýge múmkindikter jasalǵan.

Aıta keterligi, joba «IT QUIZ» jáne «Skolkovo» tehnoparkiniń damýyna qatysyp, úles qosqan Reseı men Ýkraına elderiniń IT mamandarynyń kómegimen jasaldy.
Osylaısha, jobany ázirleýshiler ıfrlandyrýdy eskere otyryp, zamanaýı ıfrlyq tehnologııalardy paıdalaný esebinen oqyrmandar sanyn arttyrý mindetin basshylyqqa alady.

Pikirler