Memleket basşysy Qasym-Jomart Toqaevtyŋ «Täuelsızdık bärınen qymbat» atty maqalasy otandastarymyzdy otyz jylda jürıp ötken kürdelı tarihi jolymyzǧa naqty taldau jasauǧa, keleşek baǧyt-baǧdarymyzdy paiymdauǧa järdemdesken asa maŋyzdy qūjat boldy.
«Täuelsızdık bärınen qymbat!» deitın otandastarymyz qazaq halqyna nenıŋ qymbat ekenın tereŋ tüsındı. Azamattyq tanytuda, ädılettılık ornatuda, sabaqtastyqty qūrmetteude memlekettık dästür osylai qalyptasady. Ǧasyrǧa tatityn otyz jyl ışınde örkendeu jolymyzdy üş kezeŋge bölıp qaraǧan Prezident bızdıŋ ūrpaqtyŋ enşısıne tigen kezeŋnıŋ baqytty künderı men ūiqysyz tünderın, myŋ tolǧandyrǧan mazasyz sätterın tap basyp aitqany qandai ǧanibet. İä, būl – özgenı qaitalaǧan basqanyŋ soqpaǧy, bıreudıŋ sürleuı emes, būl – qazaqstandyq jol, iaǧni sız ben bızdıŋ tarihymyz, öz dastanymyz.
Ärine, täuelsız el atanudyŋ özı adamdardyŋ boiynda azat sana-sezımdı bırden qalyptastyra almaidy. Onyŋ jügı batpandai auyr, qysqa-ūzaqtyǧy uaqytpen şektelmeidı. Tırşılık üşın qajettıgı aua tärızdı. Qysqasy, mūndai ötpelı däuırdı bastan keşıru tözımdı jüikenı, orasan zor eŋbektı, sabyr men şydamdylyqty talap etedı. Sondyqtan soŋǧy otyz jyldyŋ barysynda qazaq halqynyŋ armany körkeiıp, keleşekke degen ümıtı bekıgenı aian. Desek te, älı de tiianaqtalmaǧan şarua şaş-etekten, būiyrtsa ret-retımen joǧymyz tabylar, barymyz baǧalanar.
Täuelsızdık bärınen qymbat, bärınen joǧary ekenın jastardyŋ sanasyna ornyqtyru – memleket üşın de, ärbır otbasy üşın de asa jauapty mındet. Täuelsızdık ideialaryn halyq arasynda quattandyruǧa zor eŋbek sıŋırıp, osy jolda şeiıt bolǧan bırtuar tūlǧalar qanşama? Aşarşylyq pen saiasi quǧyn-sürgın qūrbandaryn da bügıngı jastar bıluge tiıs.
«Biyl Jeltoqsan oqiǧasyna 35 jyl tolady. 1986 jyly örımdei ūl-qyzdarymyz Keŋes Odaǧynyŋ qaharynan qaimyqpai, ūlt namysy üşın alaŋǧa şyqty. Osy künnen soŋ tura bes jyl ötkende Täuelsızdıgımızdı jariialauymyzdyŋ simvoldyq mänı zor. Būl oraida, azattyqtyŋ alǧaşqy qarlyǧaştary – Jeltoqsan qaharmandarynyŋ azamattyq erlıgı laiyqty baǧasyn alyp, josparly türde nasihattaluy kerek» dep jazdy Memleket basşysy atalmyş maqalasynda.Sonymen qatar maqalada 1991 jyly Semei poligonynyŋ jabylǧanyna, Elbasy qol qoiǧan Jarlyqtyŋ arqasynda Qazaqstan bükıl dünie jüzıne iadrolyq qaru-jaraqqa qarsy älemdık qozǧalystyŋ köşbasşysy bolyp tanylǧanyna, alyp memleketterdıŋ senımıne ie bolyp, halyqaralyq qoǧamdastyqta jauapkerşılıgı joǧary el retınde moiyndalǧanyna da erekşe män berılgen. Otyz jyldaǧy jasampazdyq jolymyzdy eŋ aldymen özımız qūrmetteuge tiıspız. Sonda özgeler de bızben sanasatyn bolady.
Aigül Aştaeva,
S.Berdıqūlov atyndaǧy orta mektep direktorynyŋ
oqu-tärbie ısı jönındegı orynbasary.
Ūqsas jaŋalyqtar
