Marqum Tólen Toqtasynovtyń ómirden ótkenine endi qyryq kúnnen assa da, onyń ústinen Ǵalymjan Jaqııanov aryz berýin doǵarar emes. Bul joly isti Talǵar aýdandyq soty qarastyrýda. Toqtasynovtyń advokaty Gaýhar Salımova bul týraly “Adyrna” ulttyq portalyna aıtyp berdi.
Aıta keteıik, byltyrdan beri 2000 jyldardyń basynda oppozıııadan oryn taýyp, halyqtyń sózin sóılegen jandar, dos bolyp, jaqsy aralasqan belgili tulǵalar Tólen Toqtasynov pen Ǵalymjan Jaqııanovtyń arasynda daý oryn alady. Ol týraly birneshe ret jazǵan edik.
Qysqasha aıtqanda, Toqtasynov pen Jaqııanov 30 jyl dos bolyp, birge júrip, biraz jyl jumys istegen. Birge kompanııa basqaryp, keıin Toqtasynov óz úlesin Jaqııanovqa satqan. Al Jaqııanov kelisilgen aqshanyń biraz bóligin tólegennen keıin, dosyn «aldady» dep, aryz jazǵan. Sot qorytyndysy Toqtasynovtyń sheshimine shyǵarylsa da, Jaqııanov aryz berýin doǵarmady. Tipti, Toqtasynov aýyr hálde jatqanda da Ǵalymjan Jaqııanov pen Tagır Sısınbaev Joǵarǵy cotqa Medeý jáne Almaty qalalyq sottarynyń Jaqııanovtyń Toqtasynovtan aqsha óndirý týraly talap aryzyn qanaǵattandyrýdan bas tartqan sheshimderine kassaııalyq shaǵym túsirgen edi. Keıin 6 qazan kúni Memleket jáne qoǵam qaıratkeri Tólen Toqtasynov 61 jasynda ómirden ozdy. Mine, saıasatkerdiń jer qoınyna tapsyrylǵanyna qyryq kún ótpeı burynǵy dosy Ǵalymjan Jaqııanov pen Tagır Sısenbaev taǵy da aryz túsirdi.
“TALǴAR AÝDANDYQ SOTY ZAŃDY BUZYP OTYR”
— 2024 jyldyń 2 qazanynda Talǵar aýdany sotynyń sheshimi shyqty. Sot sheshimi boıynsha, Jaqııanov pen Toqtasynov arasyndaǵy kelisimshartty zańsyz dep taný týraly Sısenbaev Tagır talap-aryz jibergen. Odan bólek, Quinton kompanııasy da aryzdanǵan. Nelikten Talǵarǵa? Óıtkeni, osydan az ýaqyt buryn Jaqııanov Bostandyq aýdanynda turatyn, qazir Talǵar aýdanyna aýysyp, osy aýdannyń sotyna júginen. Sol talap-aryzdy Talǵar sotyna Toqtasynovtyń advokattary retinde qanshama narazylyq týdyrsaq ta, bizdiń ótinishterimizdi qanaǵattandyrýsyz qaldyrdy.
Sot sheshim shyqqannan keıin Tólen Toqtasynov birneshe kúnnen keıin ómirden ótti. Oǵan deıin Bostandyq aýdanyna Jaqııanov aryzyn jibergen bolatyn. Bostandyq aýdanynyń soty ony qanaǵattandyrýsyz qaldyrdy. Olar appelıaııalyq shaǵym jazdy. Jaqynda appelıaııalyq sot alqasy Toqtasynovtyń ómirden ótkenine baılanysty muragerler tanylýǵa ýaqyty bar ekenin alǵa tartyp, alty aı ishinde murageri anyqtalýyn tapsyryp, ol isti toqtatqan edi. Biraq biz Talǵar aýdanyna da dál osyndaı ótinish jazdyq. Degenmen, bizdi keri qaıtardy. Olarǵa “sotty toqtata turyńyz, Almaty qalalyq soty muragerler tabylǵansha, sotty toqtatty” dep,ótinish bildirdik. Alaıda, Talǵar aýdany zańdy buza otyra, Alma Toqtasynovany óz betinshe murager retinde tanyp, ózi qaýly shyǵardy. Toqtasynovtyń basqa muragerleri, ıaǵnı balalary bar ekenin eskergen joq.
Bizdińshe, munyń barlyǵy zańsyz. Óıtkeni sheshimniń ózi de zańsyz. Buryn Jaqııanovpen “aqshasyn qaıtarsyn” degen talap-aryz boıynsha sottasqanda, sot úsh qaýly shyǵarǵan bolatyn. Birinshi satysy, ekinshi satysy jáne joǵary sot isiniń qaýlylary. Sol jerlerde barlyǵy jazylǵan. “Kelisimshart durys, zańdy” delingen. Soǵan qaramastan, Talǵar aýandyq soty kelisimshartty zańsyz buzyp jiberdi. Sondyqtan biz appelıaııalyq shaǵym daıyndap, Talǵar aýdanyna jiberdik”, deıdi qorǵaýshy Gaýhar Salımova.
“ÓLGEN ADAMDY AQShA ÚShIN TAPTAÝǴA BOLA MA?”
Buǵan deıin Tólen Toqtasynovtyń jubaıy Alma Toqtasynova da áleýmettik jelidegi paraqshasyna Talǵar aýdandyq sotynyń zańsyzdyǵy týraly jazǵan edi.
“Tólenmen 2019 jylǵy kelisim boıynsha tólengen aqshany óndirý týraly Jaqııanovtyń talaby týraly Joǵarǵy Sottyń 2024 jylǵy 29 shildedegi qaýlysynda Jaqııanov talap qoıý merzimin ótkizip alý arqyly proessýaldyq áreketsizdikke jol bergeni kórsetilgen.
Biraq Jaqııanov bul sheshimdi aınalyp ótý úshin basqa shemany qoldanýdy uıǵardy. Ol Talǵar qalasyna tirkeldi, al Sısınbaev dereý Talǵar sotyna shartty jaramsyz dep taný týraly talap-aryzben júgindi. Biraq Joǵarǵy Sot onyń bul másele boıynsha shaǵymyn buryn qabyldamaǵan bolatyn.
Keıinirek Quinton offshorlyq kompanııasy Jaqııanov Tólenmen kelisim-shart jasasqany týraly 2022 jyly ǵana bilgenin aıtyp, sotqa shaǵym túsirdi. Biraq bul da ótirik. Jaqııanov 2017 jyldan bastap, onyń synyptasy jáne dosy, offshordyń benefııary Denısov qol qoıǵan offshorlyq senimhat negizinde áreket etti. Sottyń Sısınbaevtyń Shartqa esh qatysy bolmasa da, onyń talabyn qabyldaǵany, sonymen birge Shartta aty atalǵan Ospanovtyń úshinshi tulǵa retinde qatysýyna ruqsat berýden bas tartqany kereǵar. Tólenniń advokatynyń sýdıaǵa qarsy shaǵymy, árıne, qabyldanbady. Shamasy, sheshim shyǵarýdyń somasy qomaqty bolǵan sekildi. Ólgen adamdy aqsha úshin taptaýǵa bola ma?
Olardyń qandaı qatty qarsylyq kórsetkeni qaramastan, men kúıeýimniń quqyqtarynyń óreskel buzylǵanyn bilip, ózim aralasýdy sheshtim.
Osy jerde birneshe suraq týyndaıdy: Eks-sýdıalar zańdy aınalyp ótý úshin qashanǵa deıin klıentterden alǵan aqshaǵa qaltasyn toltyryp alyp, sot dálizderinde kerdeńdep júredi? Nelikten, “Hasandar” taǵaıyndaǵan adamdar áli kúnge deıin Talǵarda jumys istep, aımaqtaǵy zańsyzdyqqa jol berip otyr?” - dep jazdy Alma Toqtasynova.
”Adyrna” ulttyq portaly
