Asa qatygezdıkpen äielı Saltanat Nükenovany öltırdı dep aiyptalǧan eks-ministr Quandyq Bişımbaevqa qatysty qylmystyq ıs boiynşa jaryssöz saǧat 14.30-ǧa şegerıldı, dep habarlaidy “Adyrna” ūlttyq portaly.
“Sottaluşylar Quandyq Bişımbaev pen onyŋ tuysy Baqytjan Baijanov konvoi qyzmetınde mäsele tuyndauyna bailanysty sotqa jetkızılmedı”, dep tüsındırdı sudia Aijan Qūlbaeva.
Sondyqtan ıs boiynşa jaryssöz tüsten keiın jalǧasady.
Sot otyrysyna töraǧalyq etıp jatqan sudia Aijan Qūlbaevanyŋ aituynşa, jaryssöz 29 jäne 30 säuırde, 2 jäne 3 mamyrda ötedı, qajet bolǧan jaǧdaida 4 mamyrda jalǧasady.
Aita keterı, Quandyq Bişımbaevqa ekı bap boiynşa aiyp taǧyldy: asa qatygezdıkpen kısı öltıru (15 jyldan 20 jylǧa deiın nemese ömır boiyna bas bostandyǧynan aiyru); qinau (4 jyldan 7 jylǧa deiın bas bostandyǧyn şekteu nemese osy merzımge bas bostandyǧynan aiyru).
