Búgin Memleket jáne qoǵam qaıratkeri Tólen Toqtasynovtyń janazasy týǵan ólkesi Semeıde ótti, dep habarlaıdy “Adyrna” ulttyq portaly.
Aqtyq saparǵa shyǵaryp salý rásimine Abaı oblysynyń ákimi Nurlan Uranqaev, Parlament depýtaty Ermurat Bapı jáne úzeńgiles dostary qatysyp, Tólen Toqtasynov jaıynda estelikterimen bólisti.
Sondaı-aq, Ermurat Bapı Parlament Májilisiniń tóraǵasy Erlan Qoshanovtyń kóńil aıtý jedel hatyn oqyp berdi.
«Belgili saıasatker, memleket jáne qoǵam qaıratkeri Tólen Muhamedıuly Toqtasynovtyń qaıtys bolýyna baılanysty otbasyna, týǵan-týystaryna orny tolmas aýyr qaıǵyǵa ortaqtasyp, kóńil aıtamyn.
Tólen Muhamedıuly arnaıy memlekettik múddeni bıik qoıyp, el úshin aıanbaı eńbek etti. Azamattyq ustanymyna berik bolyp, ádilettiliktiń jolynan taımady. Qoǵamdaǵy ózekti máselelerdi batyl kóterip, baıtaq otanymyzdyń damýyna úles qosty.
Májilis depýtaty retinde bastamashylyq tanytyp, zańnama salsyn jetildirýge zor eńbek sińirdi. Ónegeli ómir jolymen artynda óshpes iz qaldyrdy.
Kórnekti tulǵanyń jarqyn beınesi, adamgershilik bolmysy men ulaǵatty isteri jaqyndary men halqymyzdyń júreginde máńgisaqtalady.
Marqumnyń jatqan jeri jaıly, topyraǵy torqa bolsyn», delingen QR Parlament Májilisiniń tóraǵasy Erlan Qoshanovtyń hatynda.
«JEKE DARA BILIKKE EŃ ALǴASh TURǴAN ADAM»
“Tólen Toqtasynovty jas urpaq kóp bile bermes. Biraq Qazaqstannyń táýelsizdigin qalyptastyrý jolyndaǵy elge qyzmet etken myqty qaıratkerlerdiń biri boldy. Parlamenttiń ekinshi shaqyrylymynda depýtat boldy. Qazaqstannyń parlamentarızmi tarıhynda avtorıtarızmge, jeke dara bılikke eń alǵash ret turǵan adam. Qazaqstan parlamentinde elimizdegi eń yqpaldy áýlettiń qysystyǵyna qatysty resmı málimdeme jasaǵan alǵashqy depýtat boldy.
Tólen Toqtasynov sekildi 2019 jylǵa deıin, tipti, 2022 jylǵa deıin parlamentte eldegi avtorıtarızmdi aıyptaǵan tulǵa bolǵan joq. Ras, baspasózde aıtyldy, jazyldy. Biraq bılik minberinen aıtylǵan joq.
Imanǵalı Tasmaǵambetovtyń úkimeti jer satýǵa ruqsat beretin zań jobasyn parlamentke usynǵan kezde jeti depýtat qarsy shyqty. Osy jeteýdiń biri –Tólen Toqtasynov edi. 1990-jyldardyń aıaǵy men 2000 jyldardyń basynda «Qazaqgeıt» degen shyrǵalań paıda boldy. Nursultan Nazarbaevtyń Shveıarııadaǵy shotynda para retinde alynǵan 98 mln dollardyń jatqany týraly málimdeme jasaǵan úsh depýtattyń biri de Tólen edi.
Osydan-aq, onyń elge shyn peıilimen qyzmet etken qaıratker ekenin ańǵarýǵa bolady. Biz osyndaı azamattan aıyrylyp otyrmyz”, - dedi Ermurat Bápı.
«SUM BILIKKE BETKE AITÝDAN TARTYNBAǴAN»
Sonymen qatar, belgili kásipker Ahmetbek Nursıla jaqyn dosy Tólenge arnaǵan óleń joldaryn aıtty.
«Baqul bol, Tólen dosym ańqyldaǵan,
Óte shyqty ómiriń jarqyldaǵan.
San qıly, shyrǵalańdy myna ómirde
Jan ediń adam kóńilin qaldyrmaǵan.
Mineziń kórkem edi ańqyldaǵan,
Meıiriń bulaq edi sarqylmaǵan.
Aq pen qara aıqasqan myna ómirde
Aryń qaldy jarqyrap altyndaǵan.
Sum bılikke betke aıtýdan tartynbaǵan,
Kamıkadze depýtat, alǵan baǵań
Nursultan men Rahattyń betine aıtqan
Daýysyń qaldy qulaqta sańqyldaǵan”, dedi Ahmetbek Nursıla.
Belgili azamattyń aqtyq sapary úshin qaraqurym halyq Abaı atyndaǵy oblystyq drama teatryna jınaldy.
Jınalǵandardyń arasynda “Bir kezdegi oppozıııanyń belsendi múshesin teatrdyń tórinen shyǵaryp salyp, sharaǵa oblys ákiminiń qatysýy - Jańa Qazaqstannyń lebin sezdiredi eken” dep pikir bildirýshiler de boldy.
Tólen Toqtasynov 1962 jyly 9 qazanda Semeıde dúnıege kelgen.
Almaty sáýlet-qurylys ınstıtýtyn 1989 jyly ınjener-tehnolog-qurylysshy mamandyǵy boıynsha bitirgen.
1991 jyldan – «Aıqas» óndiristik fırmasynyń dırektory, 1995 jyldan – «ALEL» qarjy-ınvestıııalyq altyn óńdeıtin kompanııasynyń bas dırektory – «Kapolıgraf» AQ prezıdenti, 1997 jyldan -«Kapolıgraf» AQ jáne «ALEL» AQ Dırektorlarynyń keńesiniń tóraǵasy boldy.
2000 jyldyń qyrkúıeginen - QR Parlamenti Májilisiniń depýtaty (Shyǵys Qazaqstan oblysynyń №19 Batys saılaý okrýgy), Ekologııa jáne tabıǵatty paıdalaný máseleleri jónindegi komıtettiń múshesi, «Ekologııa» depýtattyq tobynyń jetekshisi, 2004 jyldan Qazaqstan Kompartııasy OK hatshysy qyzmetin atqardy.
Sondaı-aq, Qazaqstan májilisi 2-shi shaqyrylymynyń depýtaty ári 2001 jyly qurylǵan «Qazaqstannyń demokratııalyq tańdaýy» qozǵalysynyń quryltaıshylarynyń biri boldy.
Keıin Qazaqstannyń kompartııasynyń (2015 jyly Almaty sotynyń sheshimimen jabylǵan) ekinshi hatshysy boldy. 2005 jyldyń aıaǵynda kezekten tys prezıdent saılaýy kezinde Jarmahan Tuıaqbaıdyń saılaýaldy shtabynyń jetekshisi boldy..
Tólen Toqtasynov erteń 62 jasqa tolýshy edi.
