Nur-Sultan qalasynyń mamandandyrylǵan aýdanaralyq tergeý sotynyń sheshimimen Qaırat Boranbaev pen Qaırat Satybaldyulyn kúzetpen ustaý merzimi taǵy sozyldy, dep habarlaıdy “Adyrna” ulttyq portaly.
"2022 jylǵy 8 maýsymda Nur-Sultan qalasynyń mamandandyrylǵan aýdanaralyq tergeý soty kúdikti Qaırat Satybaldyulyna qatysty belgilengen kúzetpen ustaý túrindegi bultartpaý sharasynyń merzimin 1 aıǵa uzartty", – delingen aqparatta.
Sonymen qatar vedomstvo dál sol kúni kúdikti Qaırat Boranbaevqa qatysty da belgilengen qamaýda ustaý túrindegi bultartpaý sharasynyń merzimi 1 aıǵa sozylǵanyn atap ótedi.
Al 7 maýsymda Nur-Sultan qalasynyń mamandandyrylǵan aýdanaralyq tergeý soty kúdikti Gúlmıra Satybaldyǵa qatysty belgilengen qamaý merzimin 1 aıǵa uzartqan.
Eske sala ketsek, Sybaılas jemqorlyqqa qarsy qyzmet laýazymdyq ókilettikterin asyra paıdalaný jáne "Qazaqtelekom" AQ qarajatyn asa iri kólemde urlaý faktileri boıynsha qylmystyq isti tergep jatyr. Atalǵan qylmystardy jasady degen kúdikpen Qaırat Satybaldyuly ustalyp, ýaqytsha ustaý ızolıatoryna qamaldy.
Qarjylyq monıtorıng agenttigi Qaırat Boranbaevqa kvazımemlekettik sektorda asa iri kólemde qarajat jymqyrý faktisi boıynsha is qozǵap, ýaqytsha ustaý ızolıatoryna qamaǵan bolatyn.
Sondaı-aq Gúlmıra Satybaldynyń ústinen 2019 jyly "Almaty qalasyndaǵy 2017 jylǵy Ýnıversıada" nysandary qurylys-montaj jumystarynyń naqty oryndalmaǵan mindetteri úshin tólengen asa iri mólsherde bıýdjet qarajatyn jymqyrý faktisi boıynsha sotqa deıingi tergeý júrip jatyr.
”Adyrna” ulttyq portaly
