11 maýsym kúni Túrkistan oblysy Tólebı aýdany Aqbastaý aýyly mańyndaǵy jolda júk kóligi aýdarylyp, júrgizýshi tirideı janyp ketti. Kólik ishinde Shymkent ement zaýytyna qarasty taý ken servısiniń qyzmetkeri Qýanysh Serbaev bolǵan. Marqumnyń artynda jumysqa jaramsyz naýqas áıeli men kámeletke tolmaǵan eki qyzy qaldy. ”Adyrna” tilshisi oqıǵa ornyna baryp, marqumnyń týystarynan mán-jaıdy bilip qaıtty.
Qýanysh Serbaev ement zaýytyna qarasty tas óndiretin karerge eki jyl buryn jumysqa ornalasqan. Kúndelikti nápaqasyn taýyp, onkologııalyq dertke shaldyqqan áıelin emdetip, eki qyzyn asyrap, úı turǵyzý úshin jumystyń qıyndyǵyna qaramaı, adal qyzmet etken. Degenmen, 11 maýsym kúni tilsiz jaýǵa tótep bere almady.
“Túski úshterde inilerim jylap kirip keldi. Balamnan aıyrylyp qalǵanymdy estidim. Men sol jerge baraıyn dedim, meni barǵyzbady. Mine endi jylap-jylap otyrmyz”, deıdi ákesi Jańabergen Serbaev.
Marqumnyń áıeli Almatyda em alýda. Qaterli isik aýrýynyń 4 satysy, metastaz bas mıy, ishki organdaryna jáne súıekke ótken. Kámeletke tolmaǵan 14 jáne 13 jastaǵy eki qyzy ańyrap, salynyp-aıaqalmaǵan úıi artynda qańyrap qaldy. Qaıǵydan qan jutqan anasy Qarlyǵash Muhanjanqyzy qos nemeresi men naýqas kelininiń bolashaǵyn ýaıymdaıdy.
“Balapanymnan aıyrylyp qaldym. Tús kórgendeı jaǵdaı boldy. Azanda jumysqa ketip, kúndiz túski asqa kelip, odan keıin qaıta oralmady. Balamnan aıyryldym, kelinim aýrý, eki qyzy bar. Soǵan kómektessin. Balam ketkennen keıin, bulardyń taǵdyry qalaı bolatynyn bilmeımin”, deıdi marqumnyń anasy.
Marqumnyń ómirden ótkenine eki apta ótse de, taý ken servısiniń basshylyǵy kómek qolyn sozýǵa talpynbaǵan. Oqıǵa bolǵannan keıin jetisine bir kelip, odan keıin qaralaryn kórsetpegen kórinedi.
“Karerde azamatymyz tirideı janyp ketti. Mashınany buryn eshkim qaramaǵan. Áıteýir aqsha tabý úshin bilgenderin istep jatyr. Tóleıtin aılyqtary da máz emes. Mekeme basshysy Nurjan Mamytov alǵashqy qaıtys bolǵannan keıin bir keldi, keıin habar-osharyz ketti. Orynbasary, ne kómekshisi kelmeı otyr. Biz olardan ómir boıyna qamtamasyz etsin, dep talap etpeımiz, myna jerge kelip jaǵdaıdy bilý kerek edi.
Mashınanyń birden aýdarylyp ketýi múmkin emes, mıǵa qonbaıdy. “Bireýge jan qaıǵy, bireýge mal qaıǵy” demekshi, mynda ákesi balasy úshin shyryldap jatyr. Tergeýshileri anaǵan-mynaǵan tartady. Qane,ádildik! Bireýdi jylatyp qoıyp otyra almaımyz. Men kóp jyl kólik júrgizýshisi boldym. Myna kólik jaramsyz bolǵan, azanda teksermeı shyǵarǵan. Kóliktiń bólshekteriniń barlyǵy eski. Basshylaryn da uıat bar ma?”-deıdi Shymkent qalasynyń bas bıi Tolybaı Isahuly.
Marqumnyń týystary apatqa qaýipsizdik talaptary saqtalmaǵany sebep boldy deıdi. Tólebı aýdanynyń bas bıi Meıramhan Áýelhanulynyń aıtýynsha, kólikte tehnıkalyq aqaý bolǵan.
“Bul jerde kólik qulaǵannan keıin úsh sekýndtyń ishinde órt shyǵyp, ishinde Qýanysh baýyrymyz tirideı janyp ketken. Órttiń neden bolǵany belgisiz. Biraq osydan 300 metr jerde kamera turǵan. Sol kameradan jazbasyn kórgen kezde úsh sekýndta órt shyqqan. Bul kólikte aqaý bolǵan.
Al endi qazirgi ýaqytta Qýanyshtyń ákesi qıyn jaǵdaıda otyr. Qýanysh baýyrymyzdyń áıeli Almatyda ongologııalyq jaman aýrýmen aýyryp otyr. Artynda eki qyzy, soǵylyp bitpeı jatqan úıi qaldy. Jumystaǵy basshylaryna aıtarlyqtaı talaby joq. Tek artynda qalǵan otbasyna qolǵabys qylyp, kómek qolyn sozsa, salynyp jatqan úıin bitirip, aýyryp jatqan áıeline em alýǵa kómektesse deıdi. Ákesi kún demeı, tún demeı balasynyń ýaıymymen, kelininiń aýrýyn, nemerelerin ýaıymdap, júregi qaq aıyrylýda. Ol kisiniń qınalǵanyn kórip, biz de otyra almadyq. Ol kisi bizdiń Tóle bı aýdanynyń bıler quramynda”, deıdi Meıramhan Áýelhanuly.
Al mekeme basshylary bul iske qatysty jaýap bermedi. Tek taý ken servısiniń bólim basshysy Aıtqul Maqsat oqıǵa bolǵan kúndi eske aldy.
“Saǵat úsh jarymdar shamasynda kúzetten habar keldi. Osynda tútin shyǵyp jatyrǵanyn aıtty. Biz úsh jigit bolyp kelsek, kóliktiń órtenip jatqanyn kórdik. Alǵashynda ishinde adamnyń bar-joǵyna kóz jetkize almadyq. Jarty saǵattan keıin jedel járdem, tótenshe jaǵdaılar, polıııa qyzmetkerleri keldi. Denesin ekspertızaǵa alyp ketti. Biz keshtetip tergeýshilerge aqparat berdik.
Serbaev Qýanyshpen biz eki jyldaı qyzmet atqardyq, Óte kóńildi tııanaqty kisi bolatyn”, dep eske aldy bólim basshysy.
Túrkistan oblystyq eńbek ınspekııasy máıitke sot-medıınalyq saraptamasy jasalatynyn, sonyń qoytyndysy boıynsha jumys júrgiziletinin habarlady. Al marqumnyń týysqan aǵasy Úsen Serbaev qylmystyq iste bir shıkilik baryn aıtady.
“Atalǵan másele boıynsha, Tóle bı aýdanyndyq ishki ister basqarmasynda tergeý áreketi júrgizilýde. Qylmystyq kodekstiń 156 babynyń 3-shi bóligimen qylmystyq is qozǵalǵan. Alaıda osy kezeńge deıin bizge ol qylmystyq ispen tanysýǵa eshqandaı múmkindik bergen joq. Sebebi, zańǵa sáıkes bizde quqyq joq eken. Qoǵamdyq qorǵaýshy retinde týysy qatyssyn dep ótinish jasasaq da, ol qabyldanbaı jatyr. Jaqyn týysynan senim hat kerek deıdi. Zańda kórsetilgen - eń jaqyn týysy famılııasy birdeı bolsa, ol qabyldaný kerek, biraq ondaı bolmaı jatyr. Qazirgi tańda osy is boıynsha qorǵaýshy taǵaıyndadyq. Keshe baryp, usynys tastadyq. Jábirlenýshi retinde ákesi tanyldy. Al iste jábirlenýshi dep qaıtys bolǵan Serbaev Qýanysh dep jazyp qoıǵan. Sonymen qatar, kúdikti retinde eshkim tanylmaǵan. Osy másele boıynsha bir quqyqtyq shara qoldaný kerek dep oılaımyn”, deıdi Úsen Serbaev.
Dana Nurmuhanbet
”Adyrna” ulttyq portaly
