Birge oqydyq. Bir bólmede turdyq. Bir aýdıtorııada bilim aldyq. Qoldy-aıaqqa turmaıtyn adam aıtqysyz jybyrlaq bala boldy ózi.
Bir ózinde jıyrma bes attyń kúshi bar shyǵar. Joǵarǵy kýrstyń qyzdary «Osy Toqtaǵazın degen jataqhananyń bes-alty baspaldaǵyn bir-aq attap júretin ana bir bala ma?», – dep suraıdy. Erteli-kesh hám kúni-túni maqala jazady. Sabaqtan shyqqan soń Tımırıazev, 46 men Gorkıı, 50-diń arasyna eki-úsh ret qatynaıdy. Tımırıazev, 46 – bizdiń besinshi jataqhananyń sol kezdegi adresi. Al Gorkıı, 50 – gazet-jýrnaldar redakııasynyń meken-jaıy. «Qobyratyp túnimen kóp qaǵazyn, Otyrady Muratbek Toqtaǵazın» degen shymshyma shýmaq stýdentterdiń aýzynda júretin mezgil. «Tom men Djerrı» mýltfılminiń keıipkerleri sekildi kóz ilespes jyldamdyqpen zýlap bara jatady. Kók bazardyń janyndaǵy toǵyz qabatty úıge shetimizden súırep aparady. Tanymaıtyn adamy joq. Tynymsyzdyń tynymsyzy. Sol toqtamaıtyn Toqtaǵazınniń arqasynda ózimiz de aqparat álemindegi aǵa býynmen tyǵyz baılanys ornattyq.
Jurttyń bári ony Almatyda qalatyn shyǵar dep oılaǵan. Ol birden elınogradqa tartty. Bálkim, talaı nárseniń tyńyn ıgergisi kelgen bolar. Sol jerde ósip-óndi. Keıin onyń sońynan kúlli Astana kóship bardy.
Ǵylymı ataq-dárejege erterek qol jetkizgen men burynǵy júıe boıynsha segiz izdenýshige kandıdattyq dıssertaııa qorǵattym. Segizinshi aspırantym – osy jelden júırik Muratbek Toqtaǵazın. Kýrstasyńa ǵylymı jetekshi bolý degendi bastaryńyzǵa bermesin. Ne sóziń ótpeıdi, ne tózim jetpeıdi. Tártipke shaqyrǵanyńa kóne qoımaıdy. Aıtqanyńdy qulaǵyna qystyrmaıdy. Onyń ústine izdenýshimniń alapat energııasyna tótep berý ońaı emes. Bara jatqannyń baltasyn, kele jatqannyń ketpenin ile ketetin alymdy da, shalymdy, julymyr segizinshi aspırantym qalǵan jeti aspırantymnyń eki aıaǵyn bir etikke tyǵady... Shynymdy aıtsam, keıde solarǵa qosyp, ózimdi de jumsap jibere jazdaıdy.
Abyroı-bedeli eshkimnen kem emes. Eýrazııa ulttyq ýnıversıtetiniń professory. Bas redaktorlar klýbynyń vıe-prezıdenti. Ózi Astanada tursa da, shalǵaıdaǵy Semeıdiń jigiti bolsa da, sonaý jer túbindegi Shymkentten shyǵatyn bir belgili gazettiń bas redaktory. Bul únemi osynda júredi, al gazeti ózi-i-i bettelip, ózi-i-i basylyp, Muratbekti asyqpaı izdep, elordaǵa ózi-i-i keledi. Óstip júrgenine bir emes, birneshe jyl boldy. Sonyń báriniń qııýyn keltirip otyrǵan ýdaı pysyq baladan aınalyp ketpeısiń be?!
Imandylyq jolyna erterek den qoıdy. Dinı ustanymy berik. Qurandy quıqyljytyp oqıdy. Ortamyzdaǵy moldamyz da, ımamymyz da, qarıymyz da sol. Qatar júrgen soń, erkinsip keıde Muratbek, keıde Mýrka deı beremiz. Birde dastarhan basynda otyrǵanymyzda úırenshikti ádetpen «Mýrka, quran oqyp jibershi», – dep qalyp edik, dosymyz Dıhan Qamzabekuly: «Moldany «Mýrka» deýge bola ma, osy?», – dedi jaı ǵana... Sodan soń Mýrka máselesine kóp jolańqyramaımyz.
* * *
Sol Muratbek keshe Jýrnalıster merekesine oraı ótken jıynda «Qurmet» ordenin óńirine taqty. Memlekettik marapat ıelendi. Memlekettik deńgeıde qurmetteldi. Bul marapatty Prezıdenttiń keńesshisi ári baspasóz hatshysy Berik Ýálı men Mádenıet jáne aqparat mınıstri Aıda Balaevanyń ózi tapsyrdy. Qoı, endi Mýrka degendi osymen doǵarý kerek shyǵar... "Qurmet" ordeniniń kavalerin Mýrka dep shaqyrý degenińiz... Qutty bolsyn, Mýr... Muratbek, baq-dárejeń arta bersin, súıikti de súıekti segizinshi aspırantym!
Baýyrjan Omaruly
