Qazaq mektepterınde orys tılın oqytudy toqtatu mümkın emes. Būl turaly oqu-aǧartu ministrı Ǧani Beisembaev aitty, dep habarlaidy “Adyrna” ūlttyq portaly.
Būl talap Qazaqstan mektepterınıŋ memlekettık standartyna engızılgen.
Ötken apta soŋynda Ortalyq kommunikasiialar qyzmetınde ötken brifing barysynda jurnalister ministrden qazaq mektepterınde balalardyŋ orys tılın üirenuge nelıkten mındetteletının jäne balama retınde nege basqa tılder oqytylmaitynyn sūrady.
Ministr mektepterdıŋ memlekettık standarty boiynşa qazaq, orys tılderın üirenu mındettı ekenın tüsındırdı.
"Memlekettık standart, oqu baǧdarlamasy bar, barlyq qazaqstandyq mektepter osy qaǧidalar boiynşa jūmys ısteidı. Tılderdı damytu öte maŋyzdy. Qazaq tılın meŋgerudı arttyru jäne basqa tılderdı oqytu sapasyn köteru qajet. Bızdıŋ balalar neǧūrlym köp tıl bılse, olardyŋ bäsekege qabılettılıgı soǧūrlym joǧary bolady. Bız qazır qazaq, orys tılderınde söileimız, balalarymyz tıl üirenu mümkındıgınen aiyrylmauy kerek," - dep jauap berdı ministr.
Ol sondai-aq ministrdıŋ būiryǧymen memlekettık standartty özgertu mümkın emes ekenın atap öttı. Sonymen qatar är mektep oquşylardyŋ qalauy boiynşa jäne mūǧalımderdıŋ qatysuymen kez kelgen şet tılın fakultativtı oqytudy engıze alatynyn jetkızdı.
Ūqsas jaŋalyqtar
