Foto: Aqorda
Osydan bırneşe kün būryn Astana törınde ötken «Qazaq tılı» halyqaralyq qoǧamynyŋ H qūryltaiy ūlttyq ruhaniiatymyzdyŋ naqty baǧyt-baǧdaryn aiqyndaǧan tarihi sät boldy. Būl jiynda Memleket basşysy Qasym-Jomart Toqaev ana tılımızdıŋ bügını men erteŋıne qatysty köptıŋ kökeiınde jürgen dünieler turaly aitty. Al jūrtşylyq Prezidenttıŋ sözın qalai qabyldady? Bız äleumettık jelı qoldanuşylarynyŋ pıkırlerıne şolu jasap kördık.
Prezidenttıŋ aituynşa, tıl – barşamyzǧa ortaq qūndylyq, sondyqtan onyŋ abyroi-bedelın asyru üşın tek ükımet emes, bükıl qoǧam, ziialy qauym men käsıpkerler bırıgıp, tabandy jūmys ısteuı qajet. Onyŋ – «Qazaq elı barda qazaq tılı tūǧyrdan tüspeidı!» – degen sözı ūlttyq senımdı nyǧaitty.
Būǧan qosa, Memleket basşysy keibır terminderdıŋ qisynsyz, oraşolaq audarylatynyn tılge tiek ettı. Söitıp, audarmaşylardyŋ «jaŋaşyldyǧynan» mezı bolǧan qarapaiym halyqtyŋ oiyndaǧysyn tap basty.
Al endı bıreuler tıl mädenietındegı taǧy bır mäselenı köterıp, qoldau bıldırdı: «Dūrys aitady, arabşa qosyp söileudı toqtatu kerek», – degen pıkırler de jelıde keŋ tarady.
Azamattardyŋ basym bölıgı Memleket basşysynyŋ sözınen ruh alǧanyn jasyrmady. Köptegen jelı qoldanuşylary eldıŋ bırlıgı men tıldıŋ märtebesın alǧa tartyp, bıreuler Prezidentke jyly lebızderın bıldırıp jatsa, al endı bıreulerı ol kötergen mäselelerdıŋ maŋyzdylyǧyn atap öttı.
Tüiındei kelgende, būl Qūryltai qoǧam men bilıktıŋ tıl mäselesındegı ūstanymy bır arnada ekenın aiqyn körsettı. Prezidenttıŋ tılge qatysty naqty tüitkılderdı aşyq aituy – halyqtyŋ kökeiındegı oilarmen qabysyp, jūrtşylyqtyŋ jüregınen oryn tapty.
