Qasym-Jomart Toqaev TMD-ǧa müşe elder arasyndaǧy köpjaqty yqpaldastyqta orys tılı erekşe röl atqaratynyn aitty, dep habarlaidy «Adyrna» tılşısı Aqordaǧa sılteme jasap.
– Biyl TMD-da «orys tılı jyly» dep jariialanuynyŋ simvoldyq mänı bar. Sonymen qatar bız bügın orys tılıne qatysty halyqaralyq ūiym qūru turaly Şart pen Jarǧyǧa qol qoiu jönınde tarihi şeşım qabyldaimyz. Būl ūiym derbes halyqaralyq qūrylymǧa ainalady, qūqyq subektısı retınde tanylady. Jaŋa ūiym barlyq el üşın aşyq bolady. Ärine, būl – jahandyq gumanitarlyq yntymaqtastyq tūrǧysynan öte özektı. TMD keŋıstıgınde jäne odan äldeqaida keŋırek halyqaralyq auqymda orys tılın nasihattau üşın qabyldanyp jatqan şaralar elderımızdıŋ ūlttyq bıregeilıgın nyǧaitu ürdısıne kerı äser etpeidı. Qazaqstan qazaq tılınıŋ memlekettık tıl märtebesın küşeitu saiasatyn jalǧastyra beredı, – dedı Memleket basşysy TMD-ǧa müşe memleketter basşylary keŋesınıŋ otyrysynda .Sondai-aq prezident Dostastyq elderınıŋ volonterler bırlestıkterınıŋ küş-jıgerın jūmyldyru maŋyzdy ekenıne nazar audardy.
– 2024 jyldy TMD-da Volonterlık qozǧalys jyly dep jariialau bastamasyn qūptaimyz. Qazaqstan 2020 jyldy Volonter jyly retınde atap öttı. Erıktılerdıŋ ızgı amaldary qoǧamymyzda tıleulestık, meiırımdılık jäne janaşyrlyq qasietterınıŋ tereŋ tamyr jaiuyna eleulı üles qosady. Mūndai adamgerşılık talpynystarǧa jan-jaqty qoldau körsetu maŋyzdy, – dedı Qasym-Jomart Toqaev.
Ūqsas jaŋalyqtar
