Qazaqstan eriktileriniń «Erkindik Perishteleri» atty qaıyrymdylyq jobasy 3 sáýir kúni Ýkraınanyń Chernıgov qalasyndaǵy bomba-panalardy jabdyqtaýǵa at salysty. Panajaı ornalasqan qos mektep bıylǵy oqý jylynda alǵash ret esigin ashyp, offlaın rejıminde oqytýdy bastady, dep habarlaıdy "Adyrna" ulttyq portaly.
Sońǵy jyly Ýkraınada soǵys qımyldary saldarynan 2500-den astam oqý orny zardap shekti. Olardyń 400-den astamy qalpyna keltirýge múldem kelmeıtin jaǵdaıda qıraǵan.
2022 jyldyń maýsym aıynda qazaqstandyqtar Chernıgovtaǵy (Soltústik Ýkraına) mektepterdi qalpyna keltirýge kómek sqraǵan ýkraındyq eriktilermen baılanysty. Qalaǵa urys qımyldarynyń kesirinen 34 mekteptiń 27-si zardap shekkeni habarlandy.
Ýkraın mektepterine kómektesý úshin Qazaqstannan eriktiler arnaıy tolokalar daıyndady. Iaǵnı, barlyǵy bas qurap, perishteler beınesindegi dástúrli ýkraındyq motanka qýyrshaqtaryn jasaý is-sharalaryn uıymdastyrdy. Arnaıy kádesyılar jármeńkelerde satylǵan. Túsken qarajattyń barlyǵy ýkraındyq bilim berý mekemelerin qaıta qalpyna keltirý úshin joldanǵan.
«Biz ótken jyly, maýsym aıynda, Astanada tuńǵysh ret toloka ótkizdik. Sodan beri bizdiń tolokalarymyz turaqty túrde ótti. Joba úshin jınalǵan volonterlik toptar tórt oblys: Astana, Almaty, Qaraǵandy jáne Pavlodarda jumys istep jatyr. Joba ótken segiz aıdyń ishinde biz Chernıgovtaǵy eki mekteptin bombapanalaryn jabdyqtaýǵa kómektestik, olar bıyl alǵash ret offlaın rejıminde bilim berýdi bastady», - dedi joba úılestirýshileriniń biri Irına Semenchýk.
Ýkraınadaǵy jańa erejelerge sáıkes, qazirgi soǵys jaǵdaıynda, áýe shabýyldary kezinde eger mekteptiń jerasty bompa-panalary bolmasa, balalar oflaın rejımde jumys isteı almaıdy. Ýkraınada mundaı dabyldar jıi bolyp turady. Ádette, 20 mınýttan 4 saǵatqa deıin sozylady. Osy ýaqyt aralyǵynda balalar bombapanada bolýy tıis.
«Kóptegen ýkraın mektepteriniń jertóleleri belgili sebepterge baılanysty baspanaǵa beıimdelmegen. Tynysh kezde jertóleler negizinen turmystyq qajettilikterge jáne kókónisterdi saqtaýǵa paıdalanyldy. Sondyqtan olardy rettep, az ýaqytta oqý proesin uıymdastyra alý úshin iri ınvestıııalar qajet. Qoldan kelgen kómekti kórsetýge tyrysamyz», – deıdi jobanyń taǵy bir úılestirýshisi Evgenıı Rıbalko.
№6 Chernıgov mektebi 2022 jyldyń naýryz aıynda túsken zyryrannyń kesirinen qatty zaqymdanǵan. Ǵımarat qıramasa da, jarylys saldarynan mekteptiń 88 terezesi qaǵyp, 36 batareıa búlingen. Qazir mektep memleket qarajaty esebinen qalpyna keltirildi, biraq qazaqstandyq eriktiler men Belgııadan kelgen donorlar bombapanany jabdyqtaýǵa kómektesti. Jóndeý jumystarynan bólek, eriktiler 260 jınalmaly oryndyq, 80 jınalmaly ústel, eki órt sóndirgish, 3 jylytqysh, sondaı-aq marshrýtızatorlar, uzartqyshtar jáne basqa da jabdyqtar satyp aldy.
№13 Chernıgov mektebi Chernıgovke áýe shabýylynan zardap shekken, biraq aman qalǵan aımaqtaǵy úsh mekteptiń biri. Qazir munda áýe bombalarynyń tikeleı soqqysynan tolyqtaı qırap, qalpyna keltirýge jatpaıtyn kórshiles eki mekteptiń – №18 jáne №21 mekteptiń balalary da oqytylady.
Qazaqstandyq eriktiler birden kómek qolyn usyna bildi jáne olardyń járdemderi Chernıgov mektepteri úshin mańyzdy boldy.
"Adyrna" ulttyq portaly
