Bügın, 1 jeltoqsanda Orda.kz basylymy redaksiiasynda jäne onyŋ bas redaktory Gülnara Bajkenovanyŋ päterınde tıntu jürgızıldı. Būl turaly Almaty qalalyq polisiia departamentı aitty, dep habarlaidy «Adyrna» tılşısı zakon.kz-ke sılteme jasap.
Bajkenovaǧa qatysty qylmystyq ıster "qate jäne ädeiı jalǧan aqparat taratu" faktılerı boiynşa bırneşe aryz tüsuıne bailanysty qozǧalǧan. Tergeu derekterıne süiensek, aryzdanuşylardyŋ uäjderı qazır jan-jaqty qaralyp jatyr.
«Aldyn ala mälımetter boiynşa, 2024 jyly jariialanǧan materialdardyŋ bırınde qūqyq qorǧau organy qyzmetkerınıŋ para alǧan kezde ūstaldy degen şyndyqqa janaspaityn aqparat taratylǧan. Tergeu barysynda mūndai faktınıŋ bolmaǧany naqtylandy. Osylaişa, azamatşa B.-nyŋ äreketterı jariialanymda körsetılgen qyzmetkerdıŋ käsıbi bedelıne nūqsan keltırıp, qoǧamda jalǧan pıkır qalyptastyrǧan»,-delıngen habarlamada.
Būdan bölek, ötken jyldary jariialanǧan özge materialdarǧa qatysty da jäbırlenuşılerdıŋ aryzdary boiynşa tekserıster jürgızılude. Atalǧan jariialanymdarda da jalǧan ne qoǧamdy adastyratyn mälımetter boluy mümkındıgı qarastyrylyp otyr.
Bajkenovanyŋ tūrǧylyqty jerı men jūmys ornynda tergeu ıs-şaralary jürgızılude. Jalǧan aqparatty daiyndau jäne jariialau jaǧdailaryn anyqtau, sondai-aq onyŋ qaidan alynǧanyn tekseru maqsatynda elektrondyq qūrylǧylar men materialdar tärkılenude.
Tergeu jalǧasuda. Barlyq män-jailar qoldanystaǧy zaŋnamaǧa säikes tolyq kölemde anyqtalatyn bolady.
