Memleket basşysy Qatarǧa baryp, ämırdıŋ äkesı şeih Hamad ben Halifa Äl Tanidıŋ qaitys boluyna bailanysty köŋıl aitty, dep habarlaidy “Adyrna” ūlttyq portaly.
Aqordanyŋ habarlauynşa, Prezident şeih Hamadtyŋ Qatar memleketın damytuǧa jäne onyŋ halyqaralyq bedelın nyǧaituǧa qosqan zor ülesın atap öttı.
“Şeih Hamad älemdık deŋgeidegı memleket qairatkerı ärı qazaq halqynyŋ şynaiy dosy boldy. Onyŋ esımı Qatardyŋ tarihi jetıstıkterımen tyǧyz bailanysty”, – dedı Prezident Toqaev.
Memleket basşysy şeih Hamadtyŋ Qazaqstan men Qatar arasyndaǧy yntymaqtastyqtyŋ damuyna erekşe üles qosqanyn aitty. Sondai-aq onyŋ bastamasymen Astanada Äl-Farabi atyndaǧy meşıt salynyp, Qazaqstan täuelsızdıgınıŋ alǧaşqy jyldarynda bırqatar äleumettık jäne infraqūrylymdyq jobalar jüzege asyrylǧanyn eske saldy.
Qatar ämırı şeih Tamim ben Hamad Äl Tani Qazaqstan Prezidentıne arnaiy kelıp, köŋıl aitqany üşın alǧys bıldırıp, mūny ekı el arasyndaǧy dostyq pen bauyrlastyqtyŋ belgısı ekenın jetkızdı.
Aita keteiık, būǧan deiın İran aiatollasyn jerleuge Qazaqstannyŋ syrtqy ıster ministrı Ermek Köşerbaev qatysqan.
