2025 jyly Qazaqstanda adam saudasyna qatysty 164 qylmys tırkelgen. Būl turaly Eŋbek jäne halyqty äleumettık qorǧau ministrlıgınıŋ baspasöz qyzmetı jazdy, dep habarlaidy «Adyrna» tılşısı.
«IIM derekterı boiynşa, 2025 jyly adam saudasyna qatysty 164 qylmys tırkelgen. «STOP trafik» operasiiasy aiasynda reidterdıŋ 4 kezeŋı ötkızıldı. ŪQK Şekara qyzmetı zaŋsyz köşı-qonnyŋ 29 arnasynyŋ jolyn kestı, al Astana men Almaty halyqaralyq äuejailarynda şeteldık azamattardyŋ üş kämeletke tolmaǧan qazaqstandyqty zaŋsyz alyp ketuıne jol berılmedı»,- delıngen habarlamada.
Adam saudasyna qarsy ıs-qimyl jönındegı vedomstvoaralyq komissiianyŋ kezektı otyrysy ministr Asqarbek Ertaevtyŋ töraǧalyǧymen öttı. Qatysuşylar 2025 jylǧy jūmystyŋ qorytyndysyn şyǧaryp, töraǧalyqty ekı jyl merzımge IIM-ge beru mäselesın talqylady.
2025 jyly adam saudasynan zardap şekken 171 adamǧa, onyŋ ışınde şetel azamattaryna arnaiy äleumettık qyzmetter körsetılgen. Olarǧa uaqytşa baspana, medisinalyq jäne psihologiialyq kömek, sondai-aq jūmysqa ornalasuǧa jäne qūjattaryn qalpyna keltıruge järdem berılgen.
Eŋbek jäne halyqty äleumettık qorǧau ministrınıŋ aituynşa, 2024 jyldyŋ şıldesınde qabyldanǧan «Adam saudasyna qarsy ıs-qimyl turaly» arnaiy zaŋ jäbırlenuşılerdıŋ qūqyqtaryn qorǧaudyŋ jaŋa jüiesın qalyptastyruǧa mümkındık bergen.
«Adamǧa baǧdarlanǧan täsıl – endı bızdıŋ basty nazarymyzda. Tek 2025 jyldyŋ özınde adam saudasynyŋ 171 qūrbanyna arnauly äleumettık qyzmetter körsetıldı. Bügın bız odan ärı vedomstvoaralyq jūmys üşın berık ırgetas qalai otyryp, töraǧalyq etu estafetasyn IIM-degı ärıptesterımızge beremız», – dedı Asqarbek Ertaev.
