Almaty qalasynda Qazaqstan Respublikasynyŋ Prezidentı Qasym-Jomart Toqaevtyŋ «Ädılettı qoǧamǧa – şynşyl söz» atty kıtabyn jastar arasynda nasihattauǧa baǧyttalǧan «Ädılettı qoǧam qūr» jobasy sättı jüzege asyryldy.
Atalǧan bastama aiasynda megapolistıŋ joǧary oqu oryndarynda 30-dan astam kezdesu ötkızılıp, 5 myŋnan astam student qamtyldy.
Jobanyŋ avtory ärı negızgı spikerı – Almaty qalasynyŋ studenttık ombudsmenı Rabatov Amanjol Azamatūly. Ol barlyq kezdesudı özı jürgızıp, studentterge Memleket basşysynyŋ reformalary men el damuynyŋ strategiialyq baǧyttary jönınde tüsındırme jūmystaryn jürgızdı.
Is-şaralardyŋ basty maqsaty – jastardyŋ azamattyq jauapkerşılıgın arttyru, qūqyqtyq mädenietın qalyptastyru jäne qoǧamdaǧy ädılettılık qaǧidattaryn därıpteu.
Kezdesuler barysynda Prezidenttıŋ «Ädılettı qoǧamǧa – şynşyl söz» kıtabynda köterılgen maŋyzdy mäseleler talqylanyp, «Zaŋ men tärtıp» qaǧidaty, «Taza Qazaqstan» jalpyūlttyq bastamasy jäne Abaidyŋ «Tolyq adam» tūjyrymdamasynyŋ mänı keŋınen tüsındırıldı. Sonymen qatar, memleket pen qoǧam arasyndaǧy özara senım, jastardyŋ el bolaşaǧyna qosar ülesı jäne azamattyq belsendılıktıŋ maŋyzy söz boldy.
Baǧdarlama şeŋberınde studenttık ombudsmen institutynyŋ qyzmetıne de erekşe nazar audaryldy. Amanjol Azamatūly bılım aluşylardyŋ qūqyqtary men zaŋdy müddelerın qorǧau, ötınışterdı qarau tetıkterı jäne universitetterde tuyndaityn mäselelerdı şeşu joldary turaly baiandady.
Būdan bölek, Qazaqstan Respublikasy Ǧylym jäne joǧary bılım ministrlıgınıŋ ǧylym men bılım salasyndaǧy bastamalary, studentterdıŋ ǧylymi jobalarǧa qatysu mümkındıkterı jäne intellektualdyq äleuettı damytu mäselelerı qozǧaldy.
Jiyndarda Memleket basşysynyŋ «Kıtap oqityn ūlt» ideiasyn jüzege asyruǧa baǧyttalǧan bastamalary da nazardan tys qalmady. Jastarǧa kıtap oqu mädenietın qalyptastyrudyŋ, ädebi şyǧarmalar arqyly dünietanymdy keŋeitudıŋ jäne bılımge ūmtyludyŋ maŋyzdylyǧy aityldy.
Joba avtorynyŋ pıkırınşe, ädılettı qoǧam qūru eŋ aldymen bılımdı, sanaly jäne jauapkerşılıgı joǧary ūrpaq tärbieleuden bastalady. Osy rette jas buynnyŋ memlekettık bastamalarǧa qatysty öz közqarasyn qalyptastyruy, qoǧamdyq mäselelerge belsendı aralasuy jäne el damuyna üles qosuy maŋyzdy.
Studentter kezdesulerge belsendı qatysyp, özderın tolǧandyrǧan saualdaryn qoiyp, türlı taqyryptar boiynşa pıkır almasty. Qatysuşylar bastamaǧa oŋ baǧasyn berıp, osyndai aşyq dialog alaŋdarynyŋ qajettılıgın atap öttı.
Aita keteiık, «Ädılettı qoǧam qūr» jobasy Almatydaǧy student jastardy ortaq qūndylyqtar töŋıregınde bırıktırıp, olardyŋ qoǧamdyq-saiasi sauattylyǧyn arttyruǧa baǧyttaldy.
Almaty qalasynyŋ studenttık ombudsmenı Rabatov Amanjol Azamatūly aldaǧy uaqytta da jastardyŋ müddesın qorǧau, olardyŋ bastamalaryn qoldau jäne azamattyq qoǧamdy damytu baǧytyndaǧy jūmystardy jalǧastyrudy josparlap otyr.
