Eldegi epıd-ahýaldyń kúrt nasharlaýynyń kesirinen engizilgen karantınge baılanysty memleket, qazaqstandyqtarǵa 42 500 teńge tólenetini ne tólenbeıtini týraly aqparat berdi, dep habarlaıdy "Adyrna" ulttyq portaly Tengrinews.kz-ke siltep. Bul týraly eńbek jáne halyqty áleýmettik qorǵaý Mınıstrligi málimdegen edi.
Resmı saýalǵa jaýap retinde Eńbek mınıstrligi, qazaqstandyqtarǵa 42 500 teńge qaıta berý josparlanbaǵanyn aıtty.
«Qysqa merzimdi shekteý sharalary belgili bir qyzmet túrlerine, negizinen demalys kúnderine ǵana Qazaqstannyń keı aımaqtarynda engizilgen. Kásipkerlikti qoldaý búginde túrli salyq jeńildikterimen jáne jeńildetilgen sharalarmen (salyq jáne basqa esep berý, tekserý qyzmetine moratorıı) usynylǵan. Osyǵan baılanysty, búgingi kúnge deıin 42 500 tóleýdi qalpyna keltirý týraly másele qarastyrylmaǵan », dep jaýap berdi departament.
Mınıstrlik byltyr tótenshe jaǵdaı men karantınge, qyzmetke qoıylǵan shekteýlerge baılanysty kiristerin joǵaltqan jumys isteıtin azamattarǵa Memlekettik áleýmettik saqtandyrý qory esebinen 42 500 teńge mólsherinde áleýmettik tólem jasalǵanyn eske túsirdi.
«Bul buryn-sońdy bolmaǵan jumys isteıtin azamattardy qoldaý sharasy boldy. Jalpy alǵanda, 4,6 mıllıonnan astam adam, bul tólemdi jalpylaı 476,3 mıllıard teńgege aldy», dep tolyqtyrdy mınıstrlik. Bul týraly 2020 jyldyń qarasha aıynda Eńbek jáne halyqty áleýmettik qorǵaý mınıstri Birjan Nurymbetov aıtty.
"Adyrna" ulttyq portaly
