Ózbekstan prezıdenti Shavkat Mırzıeev Qazaqstanǵa keldi. Ony Astana halyqaralyq áýejaıynda Memleket basshysy Qasym-Jomart Toqaev kútip aldy, - dep habarlaıdy “Adyrna” ulttyq portaly Aqordanyń baspasóz qyzmetine silteme jasap.
Mártebeli meımannyń qurmetine áýe aılaǵynda saltanatty qaraýyl jasaqtaldy.
Ózbekstan basshysy 7-8 tamyzda memlekettik saparmen elimizde bolady. Sapar barysynda joǵary deńgeıde ekijaqty kelissózder júrgizilip, birqatar mańyzdy qujattarǵa qol qoıylady dep josparlanýda.
Sonymen qatar, juma kúni, 9 tamyzda Astanada Ortalyq Azııa memleketteri basshylarynyń VI Konsýltatıvtik kezdesýi ótedi, oǵan Qazaqstan, Qyrǵyzstan, Tájikstan, Túrkimenstan jáne Ózbekstan basshylary qatysady.
