Qazaqstan Prezidentı Qasym-Jomart Toqaev Qazaqstan Halyq Keŋesınıŋ qūramyn bekıttı, dep habarlaidy "Adyrna" ūlttyq portaly.
Jaŋa konsultativtık organǧa barlyǧy 126 adam endı. Būl turaly Aqorda habarlady.
Prezident Qasym-Jomart Toqaev Qazaqstan Halyq Keŋesınıŋ qūramyn bekıtu turaly №1474 Jarlyqqa 22 qyrküiekte Astanada qol qoidy. Qūjat sol künı küşıne endı.
Qazaqstan Halyq Keŋesınıŋ qūramyna öŋırlerden, qoǧamdyq jäne etnomädeni bırlestıkterden, qorlardan, käsıpodaqtardan, būqaralyq aqparat qūraldary, ǧylym, bılım, sport jäne biznes salalarynan ökılder kırdı.
Keŋes qūramynda qazaq tılın damytu men onyŋ qoǧamdyq qoldanysyn keŋeitu baǧytynda eŋbek etıp jürgen azamattar da bar. Olardyŋ qatarynda Senat deputaty Nūrtöre Jüsıp, qoǧam qairatkerı Ermūrat Bäpi jäne «Qazaq tılı» halyqaralyq qoǧamynyŋ prezidentı Rauan Kenjehanūly bar. Rauan Kenjehanūly būǧan deiın Konstitusiialyq reforma jönındegı komissiia qūramynda da bolǧan.
Sondai-aq Qazaqstan Halyq Keŋesınıŋ qūramyna «Qazaqtelekom» basqarma töraǧasy Baǧdat Musin, Qazaq ūlttyq medisina universitetınıŋ bırınşı prorektory Diliara Qaidarova, Respublikalyq advokattar alqasynyŋ töraǧasy Mädi Myrzaǧaraev, Olimpiada chempiony Iýrii Melnichenko jäne Qazaqstan boks federasiiasynyŋ prezidentı Şahmūrat Mutalip engızıldı.
Būdan bölek, jaŋa organ qūramynda jurnalister, därıgerler, oqytuşylar, ekologtar, volonterler, ūlttyq sport federasiialary men qoǧamdyq ūiymdardyŋ ökılderı bar.
Qazaqstan Halyq Keŋesı – Qazaqstan halqynyŋ müddesın bıldıretın joǧary konsultativtık organ. Onyŋ negızgı mındetterınıŋ bırı – ışkı saiasattyŋ negızgı baǧyttary, qoǧamdyq kelısım, jalpyūlttyq bırlık pen yntymaqty nyǧaitu mäselelerı boiynşa ūsynystar äzırleu. Būl norma jaŋa Konstitusiianyŋ 70–71-baptarynda bekıtılgen.
