Aqorda prezident Qasym-Jomart Toqaevtyŋ 7 trln teŋge kölemındegı qarajattyŋ «audaryluy» turaly mälımdemesınıŋ ras ekenın rastady. Būl turaly prezidenttıŋ keŋesşısı – baspasöz hatşysy Aibek Smadiiarov QazTAG agenttıgıne mälımdedı, dep habarlaidy “Adyrna”.
Smadiiarovtyŋ aituynşa, memleket basşysy jalǧan aqparat taratpaidy.
“Eger ol 7 trln teŋge kölemınde tranzaksiialar (qarajat audaru) bolǧanyn aitsa, demek, solai bolǧan. Negızı būl aqparat Qarjylyq monitoring agenttıgınde ötken keŋeske qatysuşylarǧa arnalǧan bolatyn. Mūny jalpy jūrtşylyqtyŋ talqylauyna salu oiynda bolmaǧan. Iаǧni, tek qyzmettık sipatta aityldy degen dūrys. Al tranzaksiialardy ötkızgen bank äŋgımenıŋ qai bank jaiynda ekenın bılıp otyr. Prezident saiasi maqsat pen diplomatiialyq protokol talaptaryn eskere otyryp, tranzaksiialyq qarajattyŋ qai elden şyqqanyn, onyŋ qandai memleketke ketkenın, sondai-aq sanksiialyq rejim beleŋ alyp tūrǧan jaǧdaida osyndai äreketke barǧan qai bank ekenın de ädeiı aitpady», - dedı ol.
Būǧan deiın Ūlttyq bank töraǧasynyŋ orynbasary Berık Şolpanqūlov Toqaevtyŋ mälımdemesıne kümän keltırıp, qūqyqbūzuşylyqtar anyqtalmaǧanyn aitqan edı. Osy jaǧdai qoǧamda jalǧan aqparat üşın jauapkerşılık mäselesıne qatysty pıkırtalasty küşedı.
Sondai-aq, bügın Memleket basşysynyŋ ökımımen Berık Şolpanqūlov bergen ötınışıne säikes Qazaqstan Respublikasy Ūlttyq Bankı Töraǧasynyŋ orynbasary lauazymynan bosatyldy.
Eske sala keteiık, 28 qaŋtarda Qarjylyq monitoring agenttıgınde ötken keŋeste Toqaev agenttık töraǧasy Janat Elimanovtyŋ baiandamasyna sılteme jasap, 2025 jyly ırgeles memleketten qazaqstandyq bankterdıŋ bırı arqyly şetelge 7 trln teŋgeden astam qarajat audarylǧanyn mälımdegen. Osyǧan bailanysty tiıstı organdarǧa naqty tapsyrmalar berılgen.
29 qaŋtarda bırqatar bankter būl shemaǧa qatysy joq ekenın aitty. Keiın mūndai mälımdeme jasaǧan qarjy ūiymdarynyŋ sany artty. 31 qaŋtarda tekseru bastalǧany belgılı boldy, alaida naqty bank atauy jariialanǧan joq.
3 aqpanda QazTAG saual joldaǧan bankterdıŋ basym bölıgı atalǧan operasiialarǧa qatysy baryn joqqa şyǧardy. 4 aqpanda mäjılıs deputaty Azat Peruaşev 7 trln teŋge audarymyna qatysty aqparattyŋ aşyq közderden alynyp tastalǧanyn aityp, deputattar älı de naqty tüsındıru kütetının mälımdegen edı.
