Máskeýde ótken EAEO sammıti kezinde Reseı prezıdenti Vladımır Pýtınniń Qasym-Jomart Toqaevqa tapsyrǵan hatynyń mazmunyn aıtyldy. Bul týraly Memleket basshysynyń baspasóz hatshysy Rýslan Jeldibaı Tengrinews.kz-ke bergen jaýabynda aıtty, dep habarlaıdy “Adyrna” ulttyq portaly.
Ol hatta reseılik taraptyń EAEO elderi basshylarynyń shaǵyn quramdaǵy kezdesýinde qoıylǵan suraqqa jaýaby jazylǵan. Kezdesýde qazaq kompanııalarynyń taýarlaryn Reseıdiń ishki tarıfteri boıynsha tasymaldaý týraly másele aıtylǵan edi. Osy másele boıynsha Reseı óz ustanymyn jetkizdi. Iaǵnı, Reseı Úkimeti Qazaqstan aýmaǵynda mejeli pýnkti bar taýarlar jeńildetilgen tarıfti paıdalana alady dep esepteıdi. Al Reseı aýmaǵy boıynsha tranzıtpen júretin taýarlarǵa eksporttyq tarıfter qoldanylýǵa tıis dep sanaıdy.
Prezıdent Úkimetke 2015 jylǵy EAEO qurý týraly shart qaǵıdattary negizinde osy másele boıynsha Reseı tarapymen kelissózderdi jalǵastyrý týraly tapsyrma berdi, – dedi Rýslan Jeldibaı.
Eske salaıyq, Qasym-Jomart Toqaev Máskeýde ótken EAEO-nyń sammıtine qatysyp, birneshe mańyzdy málimdeme jasaǵan bolatyn.
