Qazaqstannyń barlyq oblystaryndaǵy Uly Otan soǵysynyń ardagerlerine keminde bir mıllıon teńge kóleminde járdemaqy tólenedi. Bul týraly prezıdenttiń baspasóz hatshysy Rýslan Jeldibaı málimdedi, - dep habarlaıdy "Adyrna" ulttyq portaly.
«Memleket basshysynyń tapsyrmasy boıynsha bıylǵy jyly barlyq óńirlerde soǵys ardagerlerine 1 mıllıon teńgeden kem emes birjolǵy járdemaqy tólenip jatyr, tyl eńbekkerleri men olarǵa teńestirilgen azamattarǵa da materıaldyq qoldaý kórsetiledi.
8-9 mamyrda oblys ákimderi deńgeıinde soǵys ardagerlerimen jáne olardyń otbasy múshelerimen jeke kezdesýler uıymdastyrylady. Elimiz boıynsha «Ardagerlerge taǵzym» qaıyrymdylyq akııalary ótedi.
Ardagerlerimizge memleket tarapynan barlyq qajetti kómek aldaǵy ýaqytta da júıeli túrde kórsetiledi», - dedi Rýslan Jeldibaı.
Qazaqstan Prezıdentiniń baspasóz hatshysy Qasym-Jomart Toqaevtyń Otan qorǵaýshylar kúni men Jeńis kúni qarsańynda qandaı sharalarǵa qatysatynyn da habarlady.
Baspasóz hatshysynyń aıtýynsha, bıyl 9 mamyrda Toqaev elordadaǵy «Otan qorǵaýshylar» monýmentindegi Máńgilik alaýǵa dástúrli gúl qoıý rásimine qatysýdy josparlap otyr.
Sonymen qatar, Memleket basshysy 6 mamyrda Otan qorǵaýshylar kúni men Jeńis kúnine arnalǵan saltanatty sharaǵa qatysady.
"Adyrna" ulttyq portaly
