Oral qalasynda jaŋa zamanaui sport keşenı el igılıgıne berıldı. Jobany jüzege asyruǧa Freedom Holding Corp kompaniiasy qoldau körsettı.
Saltanatty aşylu räsımıne Batys Qazaqstan oblysynyŋ äkımı Nariman Töreǧaliev pen Freedom Holding Corp kompaniiasynyŋ basşysy Timur Turlov qatysyp, būl äleumettık bastamanyŋ maŋyzdylyǧyna toqtaldy.
– Memleket basşysy Qasym-Jomart Kemelūly Toqaev öz sözınde: «Käsıpkerlerdıŋ äleumettık jauapkerşılıgı de, jergılıktı qauymdastyqtarmen ūzaq merzımge arnalǧan serıktestık qatynas ornatuǧa degen qūlşynysy da zor. Būl – quanarlyq jaǧdai. Memleket pen biznestıŋ yqpaldastyǧy arqyly köptegen äleumettık mäsele şeşımın tauyp jatyr», – dep atap ötken edı. Bızdıŋ bügıngı jaŋa sport nysanynyŋ aşyluy da Prezident sözınıŋ jarqyn körınısı, aiqyn dälelınıŋ bırı der edım. Būl nysan – inkliuzivtı qoǧam qūruǧa baǧyttalǧan naqty qadam, memleketımızdıŋ äleumettık jauapkerşılıgınıŋ jemısı – dedı oblys äkımı.
Ǧimarattyŋ jalpy aumaǧy – 2 025 şarşy metr. Nysanda sporttyq oiyndarǧa arnalǧan jattyǧu zaldary, küres jäne üstel tennisıne arnalǧan arnaiy oryndar bar. Sonymen qatar jalpy jäne arnaiy dene daiyndyǧyna arnalǧan zamanaui sporttyq qūral-jabdyqtarmen tolyq qamtylǧan.
Jaŋa keşende sporttyŋ 20 türınen 250-den astam sportşy jattyǧady.
