Astanadan şyqqan jolauşylar poiyzynda jüregıne ota jasatqan er adam köz jūmdy, dep habarlaidy “Adyrna” ūlttyq portaly.
Būl aqparat jelıde taraǧan.
Astana–Qostanai baǧytynda qatynaityn «Sary-Arqa Kompaniia» JŞS-ne tiesılı poiyzda jolauşynyŋ qaitys bolǧany turaly aqparat rastaldy.
Tasymaldauşynyŋ mälımetınşe, oqiǧa 14 mausym künı keşkı uaqytta «Nūrly jol – Oral» baǧytyndaǧy №57 jolauşylar poiyzynda bolǧan. Burabai kurorty stansiiasyna jaqyndaǧan sätte №19 vagonda otyrǧan jolauşynyŋ densaulyǧy kenetten naşarlaǧan.
Jolserık jaǧdai turaly poiyz bastyǧyna habarlap, lokomotiv maşinisı arqyly jedel medisinalyq kömek şaqyrylǧan.
Kompaniianyŋ habarlauynşa, er adam saparǧa 54 jastaǧy jūbaiymen bırge şyqqan. Äielınıŋ aituynşa, küieuı jüregıne jasalǧan operasiiadan keiın klinikadan üiıne qaityp kele jatqan.
Jedel järdem qyzmetkerlerı Burabai kurorty stansiiasynda saǧat 23:49-da poiyzǧa köterılıp, nauqasqa alǧaşqy medisinalyq kömek körsetken. Alaida köp ūzamai er adam esınen tanyp qalǧan. Därıgerler saǧat 00:30-da onyŋ qaitys bolǧanyn tırkedı. Marqūm 23 mausym künı 56 jasqa toluy tiıs bolǧan.
Qazır ölımnıŋ naqty sebebı jariialanǧan joq. Äleumettık jelılerde jürek talmasy turaly türlı boljamdar aitylǧanymen, tasymaldauşy kompaniia būl aqparatty rastaǧan joq.
Oqiǧadan keiın marqūmnyŋ denesı sot-medisinalyq saraptama jürgızu üşın Kökşetau stansiiasynda poiyzdan tüsırıldı. Kompaniia mälımetınşe, oqiǧaǧa bailanysty tiıstı akt toltyrylyp, jauapty qyzmetkerlerden tüsınıktemeler alynǧan.
Medisinalyq jäne tergeu şaralaryna bailanysty poiyz kesteden 43 minutqa keşıgıp qozǧalǧan. Ölımnıŋ naqty sebebı saraptama qorytyndysy şyqqannan keiın belgılı bolady.
