Bügın Oral qalasynda «Kıtappen bırge jolda» jobasy bastau aldy.
Atalǧan jobanyŋ negızgı maqsaty — qoǧamdyq kölıktegı jolauşylardyŋ uaqytyn tiımdı paidalanuyna jaǧdai jasap, kıtap oqu mädenietın kündelıktı ömırdıŋ ajyramas bölıgıne ainaldyru, sondai-aq qala tūrǧyndarynyŋ ruhani jäne ziiatkerlık damuyna üles qosu.
Prezident Qasym-Jomart Toqaev öz sözınde kıtap oqu mädenietın qalyptastyru elımızdıŋ ruhani damuy men intellektualdyq äleuetın arttyrudaǧy maŋyzdy basymdyqtardyŋ bırı ekenın atap ötken. Memleket basşysynyŋ aituynşa, jappai kıtap oqu mädenietın damytu azamattardyŋ oi-örısın keŋeitıp, bılım sapasyn arttyruǧa jäne qoǧamnyŋ ziiatkerlık äleuetın nyǧaituǧa mümkındık beredı. Osy tūrǧyda «kıtap oqityn ūlt» qalyptastyruǧa baǧyttalǧan mūndai bastamalardyŋ maŋyzy zor.
Joba aiasynda qalaışılık №2 jäne №5 baǧyttaǧy avtobustar jol üstındegı şaǧyn kıtaphanaǧa ainaldyryldy. Qoǧamdyq kölık salondaryna ornatylǧan arnaiy kıtap sörelerınen jolauşylar körkem, tanymdyq jäne motivasiialyq ädebietterdı jol boiy erkın oqi alady. Būl bastama qala tūrǧyndarynyŋ bos uaqytyn paidaly ötkızuıne, kıtapqa degen qyzyǧuşylyǧyn arttyruǧa jäne oqyrman mädenietın qalyptastyruǧa oŋ äser etedı.
Atalǧan jobany jüzege asyruǧa qala äkımdıgı, mädeniet salasynyŋ ökılderı jäne qoǧamdyq kölık mekemelerı atsalysty. Ūiymdastyruşylardyŋ aituynşa, joba aldaǧy uaqytta özge baǧyttaǧy avtobustardy da qamtyp, keŋeitıletın bolady.
