Bügın Oraldaǧy qalalyq mädeniet jäne demalys saiabaǧynda «Taza Qazaqstan» ekologiialyq aksiiasy aiasynda auqymdy şara öttı.
Onyŋ aiasynda Şaǧan özenınıŋ jaǧalauyna japyraqty jäne qylqan japyraqty aǧaştardyŋ 50 köşetı otyrǧyzyldy. Tabiǧat qorǧau şarasyna 50-den astam student jas pen jergılıktı bilık ökılderı, erıktıler men türlı ūiymdardyŋ mamandary qatysty.
Taŋmen talasa «Taza Qazaqstan» jobasy aiasyndaǧy ekoaksiiaǧa qatysuşylar qoldaryna kürek, tyrnauyş alyp, köterıŋkı köŋıl-küimen jūmysqa kırıstı. Bırneşe saǧat boiy olar quraǧan japyraqtardy jinap, qoqysty tazalap, gülzarlar men oryndyqtardy qalypqa keltırdı. Sondai-aq jasyl jelek otyrǧyzdy. Jergılıktı bilık ökılderı oblysta tazalyq şarasy joǧary deŋgeide ūiymdastyrylyp jatqanyn tılge tiek ettı.
«Jalpy, biyl tek Oral qalasynyŋ özınde respublikalyq joba aiasynda 18 myŋǧa juyq aǧaş otyrǧyzudy josparlap otyrmyz», — dedı Batys Qazaqstan oblysy äkımınıŋ orynbasary Qaliiar Aitmūhambetov.Būl künı senbılık pen kögaldandyru jūmystary 21 orynda jürgızıldı. Tabiǧat qorǧau aksiiasy qar tüskenşe jalǧaspaq.
Oral qalasynyŋ äkımı Mūrat Bäimenovtıŋ aituynşa, mädeniet jäne demalys saiabaǧyndaǧy aǧaştardyŋ basym bölıgı jüz jyldan astam uaqyt boiy ösıp tūr. Sondyqtan orman alqabyn jaŋartyp, kögaldandyrudy jüielı türde jürgızu asa maŋyzdy. Belsendı jastardyŋ, «Oral jastary» ūiymy müşelerınıŋ, studentter men erıktılerdıŋ qosqan ülesı erekşe atap ötıldı.— «Men būl jerge toptastarymmen bırge öz aǧaşymdy otyrǧyzuǧa keldım. Osyndai şaralarǧa qatysuymyz maŋyzdy dep sanaimyn. Erteŋ osy aǧaştardyŋ saiasynda ata-anam, atam men äjem demalatyn bolady. Būl ıske menıŋ de ülesım bar ekenıne quanyştymyn», — deidı M. Ötemısov atyndaǧy BQU-dyŋ 1-kurs studentı Rabiia Töleuova.
Jastarǧa basymdyq berılgen tazalyq aksiiasynda studentter öz qoldarymen jas jelekterdı otyrǧyzyp, olardyŋ bolaşaqta jaiqalyp, jasyl ormannyŋ bır bölıgıne ainaluy üşın qamqorlyq tanytatyndaryn jetkızdı.— Jeke özım ömırımde 30-40 şaqty aǧaş otyrǧyzdym. Aulamda, tuǧan qalamnyŋ köşelerınde däl osyndai aksiialar kezınde otyrǧyzdym. Özım Atyrau qalasynyŋ tumasymyn, alaida qazır Oralda bılım alyp jatyrmyn. Sol sebeptı osynda, oqyp jatqan qalamdy kögaldandyrudy maŋyzdy sanaimyn, — deidı M. Ötemısov atyndaǧy BQU studentı Damir İvan.
Is-şaranyŋ maqsaty — tek tazalyq ornatu ǧana emes, sonymen qatar qala tūrǧyndarynyŋ tabiǧatqa jäne qoǧamdyq keŋıstıkterge degen jauapkerşılıgın arttyru. «Jinalǧan jer emes, şaşylmaǧan jer taza» ekenın eske alǧan jastar oraldyqtardy öz qalalaryn aialauǧa şaqyrdy.— Saiabaqta qazır alpystan asa jas jūmystanyp jatyr. Senbılıkke üles qosuǧa niettengen studentterdıŋ qatary qalyŋ. Bız olardy bölıngen aumaqtarǧa jıberdık. Aita ketetın jaǧdai — soŋǧy kezderı joǧary synyp oquşylary da yqylas bıldırıp otyr. Bolaşaqta olardy da osyndai tabiǧat janaşyrlarynyŋ qataryna qosu kerek dep oilaimyn. Qatysqan barşa tūrǧyndarǧa alǧysymyzdy bıldıremız. Ortaq küş-jıgerdıŋ arqasynda saiabaqtyŋ kelbetı aitarlyqtai jaqsardy. Mūndai igı şaralar jaqsy dästürge ainalady dep senemız», — deidı BQO jastarmen jūmys jönındegı resurstyq ortalyǧynyŋ basşysy Ansar İbraev.
Taza aua, äuezdı än tabiǧat qorǧauşylaryna köterıŋkı köŋıl-küi syilady. Ūiymdastyruşylar saiabaqty abattandyru jūmystaryn jalǧastyruǧa uäde berıp, aldaǧy ekologiialyq bastamalarǧa da üles qosatyndaryn aitty.
