Elımızdegı adam qūqyǧy men sot ädıldıgıne kümän keltıruşıler öte köp jäne ony negızsız deuge de bolmas. Tıptı «Qasırettı qaŋtar» oqiǧasynda rūqsat etılmegen ädıspen ūstalǧandardan jauap alu, olardy qinau ädısterı qoldanylǧany jaily resmi bilık moiyndap, bügınde bırneşe qūqyq qorǧau organ ökılderınıŋ tūtqyndalǧany ras. «Adyrna» ūlttyq portalyna kündelıktı ädıldık ızdep, aqparattyq qoldau sūraityn jandardyŋ hattary men ötınışterı kelıp tūrady. Sonyŋ bırın nazarlaryŋyzǧa ūsynamyz.
2020 jyly Oral qalasynda aqşa aiyrbastau punktıne şabuyl jasaldy. Artynşa qylmysqa qatysy bar degen ekı azamat ūstaldy. Olar Qūtjanov pen Hasenov esımdı azamattar bolatyn. Olar qylmys jasaǧanyn bırden moiyndaidy. Alaida keiınnen belgılı bolǧandai, qorǧauşylary olarǧa qatysty rūqsat etılmegen tergeu ädısterı, ūryp-soǧu men qinau täsılderı qoldanylǧanyn aitady. Mysaly Hasenovty qaqaǧan aiazda jūqa kiımmen syrtqa tūrǧyzyp, därethanaǧa baruǧa rūqsat etpegen degen sūmdyqty qorǧauşylary aitty. Sol syndy Qūtjanovqa da qysym körsetken. Mıne, osy qysym körsetu barysynda taǧy bır «kınälı» tabylǧan. Ol Baianov Darhan esımdı jıgıt. «Onyŋ būl qylmysqa qatysy bar» degen moiyndaudy alu qūqyq qorǧau organdaryna toptyq qylmys (OPG) babyn aşu üşın kerek bolǧan deidı qorǧauşylar. Üş adam bolsa, onda berıletın jaza da arta tüsedı. Sondyqtan eş kınäsı joq, qylmysqa tük qatysy bolmaǧan Darhan Baianovty ıske qosyp jıbergenın Darhannyŋ äkesı mälımdep, prezident Toqaevqa arnaiy beineündeu de jariialady.
https://youtu.be/bkdOpWL0iiM
Darhan Baianovtyŋ qylmysqa qatysy baryna naqty bırde bır dälel joq. Tek qana Hasenov pen Qūtjanovtyŋ moiyndauy ǧana bar. Alaida ol moiyndaudyŋ da qandai jolmen kelgenı belgılı deidı qorǧauşylar. Hasenovtyŋ densaulyǧyna zaqym kelgen, ol aiazda ūzaq tūruynan bolsa kerek. Qūtjanovtyŋ da bırınşı bailyǧy syr bergen. Olarǧa qatysty prokurorǧa arnaiy tekseru jürgızu tapsyrylsa da, ıstı jeŋıl-jelpı qarap, jyly jauyp qoiǧan. Al Baianovqa taǧylǧan negızsız aiyp öte auyr. «Adam ūrlau», «tonau» jäne «şabuyl jasau». Mıne, osy baptarmen ol 9 jylǧa sottalyp kettı. Hasenov pen Qūtjanov bolsa 8 jylǧa sottalǧan. Äkesı balasynyŋ kınäsız ekenın aitady, tıptı onyŋ qylmys bolǧan sätte qalada emes, Oraldan 130 şaqyrym jerdegı Aqsaidan Oralǧa kele jatqany billing arqyly däleldengen. Baianovqa qatysty bırde bır beinetüsırılım, kuägerlerdıŋ jauaby, ony tanyǧan bırde bır kuäger joq. Qorǧauşylar tıptı qūjattardaǧy qoldardy da qoldan jasap, özgertkenın aitady. Alaida soǧan qaramastar sot osyndai aiyptau şeşımın şyǧarǧan.
Baianovtyŋ jaqyndary men qorǧauşysy el prezidentınen araşa sūrap, ıstıŋ ädıl şeşıluın ötınedı. Äkesı beineündeudı qobaljyp jazǧanyn aitady. Bügınde ūlyn alaŋdaǧan äkesınıŋ densaulyǧy da syr bergen.
«Adyrna» ūlttyq portaly
Ūqsas jaŋalyqtar
