Qazaqstanda analardyŋ jüktılıkke daiyndyǧyn arttyruǧa biudjetten 5 mlrd teŋgeden astam qarjy bölındı, dep habarlaidy "Adyrna" ūlttyq portaly.
Būl turaly densaulyq saqtau ministrı Aqmaral Älnazarova Ükımet otyrysynan keiıngı brifingte mälımdedı.
Ministrdıŋ aituynşa, ana men bala ömırın saqtau – eldıŋ densaulyq saqtau salasyndaǧy basty strategiialyq baǧyttardyŋ bırı.
«Ana men säbi ömırı Memleket basşysynyŋ da, Ükımettıŋ de ünemı baqylauynda. Ana ölımı körsetkışı byltyrmen salystyrǧanda biyl tömendedı. Jyl saiyn 10–15 paiyz tömendeu bar. Būl äielderdıŋ jüktılık kezındegı kütımı men medisinalyq kömektıŋ sapasyna bailanysty», – dedı Älnazarova.
Ol soŋǧy jyldary tuu körsetkışınıŋ artuyna bailanysty elımızde perinataldyq ortalyqtar salu jūmystary belsendı jürıp jatqanyn atap öttı.
«Qazır 12 perinataldyq ortalyqtyŋ jobalyq qūjattary daiyndaluda. Astanada qūrylys jürıp jatyr, jyl soŋyna deiın Şymkent pen Türkıstanda jaŋa ortalyqtardyŋ qūrylysy bastalady», – dedı ministr.
Sondai-aq, kadr tapşylyǧyn şeşu maqsatynda akuşer-ginekologtar men neonatologtarǧa arnalǧan äleumettık qoldau şaralary engızılgen. Sonyŋ nätijesınde medisinalyq kadr tapşylyǧy 19 paiyzǧa, al auyldyq jerlerde 11 paiyzǧa azaiǧan.
«Analardyŋ densaulyǧyn küşeitu üşın biyl alǧaş ret jüktılıkke daiyndyqqa arnaiy qarajat bölındı. Äielder tegın zertteulerden ötıp, qajet bolsa sauyqtyru şaralarynan ötedı. Būl jüielı jūmystardyŋ nätijesınde kei öŋırlerde tūraqtylyq baiqalady», – dedı Aqmaral Älnazarova.
Ministrlık qazır audandyq deŋgeidegı perzenthana bölımşelerınıŋ jūmysyn taldap, ana ölımın tübegeilı azaituǧa baǧyttalǧan keşendı şaralardy qolǧa alǧan.
Aita keteiık, ministr qymbat aiaq kiımmen közge tüskenın habarlaǧan edık.
