«Densaulyq ministrı Aleksei Soi «jynys auystyru otasyna rūqsat» degen qauly şyǧardy.
“TEGIN” - dedı äuelde ony» dep jazady änşı Qaraqat Äbıldina özınıŋ İnstagram paraqşasynda. Änşı ministrdıŋ būl zaŋy ūrpaq tazalyǧyn būzuy mümkın degen qaupın jasyrmaidy.
"El bolyp qarsy şyǧyp edı, endı tegın emes, “jynys auystyru otasy aqyly türde jasalady” dep mälımdedı. Bır qyzyǧy būl zaŋ bızge 2020 jyldyŋ 25-qaraşasynda engızılıp qoiǧan eken.
Ainalyp kelgendegı: jeke adamnyŋ qūqyǧy... Al ūlttyq sana? Ūlttyq tärbie?
“Jaman üidı qonaǧy bileidı” degennıŋ kebın kiıp tūrmyz ǧoi. Sol zaŋ, sol ota kerek pe bızge mülde?!
Bız qazaq jetı atadan aspai qyz alyspaǧan, qany öte taza halyqpyz.
“Ūlym ūrpaǧymdy jalǧastyrady, qyzym örısımdı keŋeitedı” dep baladan ümıt kütken halyqpyz.
Ūrpaq tazalyǧyn būzu, ūltty qūrtu ma maqsaty?
Qaida ketıp baramyz?!
Būl soraqylyqqa jol bermeuımız kerek!
Alla saqtasyn, qarsymyn...
Ne de bolsa är qazaq özımızge, öz balalarymyzdyŋ negızıne, tärbiesıne bekem bolyp, imanyn berık, paryzyn bütın etıp ösıruge qam jasauymyz kerek!" dep jazady änşı Qaraqat.
Osy jazbaǧa qatysty pıkır bıldırgen jūrtşylyq "ministr Soidyŋ jaŋa qaulyǧa qol qoiuy-ūltymyzdy joiuǧa qoiylǧan qoly", "būl zaŋ qazaqty qūrtady" degen sarynda yzaǧa toly jazbalar qaldyruda.
"Adyrna" ūlttyq portaly.
Foto aşyq derekközden alyndy.Ūqsas jaŋalyqtar
