«Densaýlyq mınıstri Alekseı oı «jynys aýystyrý otasyna ruqsat» degen qaýly shyǵardy.
“TEGIN” - dedi áýelde ony» dep jazady ánshi Qaraqat Ábildına óziniń Instagram paraqshasynda. Ánshi mınıstrdiń bul zańy urpaq tazalyǵyn buzýy múmkin degen qaýpin jasyrmaıdy.
"El bolyp qarsy shyǵyp edi, endi tegin emes, “jynys aýystyrý otasy aqyly túrde jasalady” dep málimdedi. Bir qyzyǵy bul zań bizge 2020 jyldyń 25-qarashasynda engizilip qoıǵan eken.
Aınalyp kelgendegi: jeke adamnyń quqyǵy... Al ulttyq sana? Ulttyq tárbıe?
“Jaman úıdi qonaǵy bıleıdi” degenniń kebin kıip turmyz ǵoı. Sol zań, sol ota kerek pe bizge múlde?!
Biz qazaq jeti atadan aspaı qyz alyspaǵan, qany óte taza halyqpyz.
“Ulym urpaǵymdy jalǵastyrady, qyzym órisimdi keńeıtedi” dep baladan úmit kútken halyqpyz.
Urpaq tazalyǵyn buzý, ultty qurtý ma maqsaty?
Qaıda ketip baramyz?!
Bul soraqylyqqa jol bermeýimiz kerek!
Alla saqtasyn, qarsymyn...
Ne de bolsa ár qazaq ózimizge, óz balalarymyzdyń negizine, tárbıesine bekem bolyp, ımanyn berik, paryzyn bútin etip ósirýge qam jasaýymyz kerek!" dep jazady ánshi Qaraqat.
Osy jazbaǵa qatysty pikir bildirgen jurtshylyq "mınıstr oıdyń jańa qaýlyǵa qol qoıýy-ultymyzdy joıýǵa qoıylǵan qoly", "bul zań qazaqty qurtady" degen sarynda yzaǵa toly jazbalar qaldyrýda.
"Adyrna" ulttyq portaly.
Foto ashyq derekkózden alyndy.
