Qoǧamdyq densaulyq saqtau ūlttyq ortalyǧynyŋ basqarma töraǧasy Manar Smaǧūl Qazaqstannyŋ qai öŋırınde qyzylşa auruy jiılep ketkenın aitty, - dep habarlaidy "Adyrna" tılşısı.
Onyŋ aituynşa, eldegı qyzylşaǧa qatysty qazırgı epidemiologiialyq jaǧdai kürdelı küiınde qalyp otyr.
"2023 jyldyŋ basynan berı respublikada qyzylşamen auyru boiynşa 20 188 jaǧdai tırkeldı. Onyŋ 81 paiyzy 14 jasqa deiıngı balalarda, iaǧni 16 351 jaǧdai. Jasöspırımder arasynda 706 jaǧdai tırkeldı, būl 3,4 paiyz, 15,4 paiyzdy eresek tūrǧyndar qūraidy, iaǧni 18 jastan asqandar arasynda tırkeldı – 3131 jaǧdai tırkeldı. Barlyq oblystarda qyzylşa auruy tırkeldı. Aurudyŋ eŋ joǧary deŋgeiı Şymkentte – 3069 jaǧdai, 100 myŋ tūrǧynǧa şaqqandaǧy körsetkış – 263,5, Almatyda – 3010, Almaty oblysynda – 1812 jaǧdai, Jambylda – 2724, Maŋǧystauda – 1701, Atyrauda – 1377, Aqtöbede – 5,8 adam. Qyzylorda oblysynda – 1182 jaǧdai», - dedı Smaǧūl.
Onyŋ aituynşa, elımızde kün saiyn qyzylşamen auyratyn 350-ge juyq jaǧdai tırkelude jäne negızgı auru ekpe almaǧan adamdarda kezdesedı.
Ūiymdasqan toptarda, iaǧni elımızdegı 643 mektepte qyzylşamen auyrǧan 1466 jaǧdai tırkeldı. Smaǧūl atap ötkendei, bailanysta bolǧandar sany 20 myŋnan asady, al alǧaşqy 72 saǧatta epidemiologiialyq körsetkışter boiynşa 3898 adam ekpe aldy.
«Sonymen qatar, bailanysta bolǧandar arasynda ekpeden bas tartu faktılerı tırkelude – bügıngı künı būl 967 jaǧdai, al taǧy 724 bailanysta medisinalyq jeŋıldıkter bar. Mektepke deiıngı mekemelerde bügınde 827 mekemede 1662 jaǧdai anyqtaldy. Qazırgı uaqytta bailanysta bolǧandar arasynda epidemiologiialyq körsetkış boiynşa 1 442 adam egıldı, ekpeden bas tartu jaǧdailary da bar: 523 bas tartu tırkeldı, 371 bala medisinalyq jeŋıldıkke ie boldy», - dep qosty Manar Smaǧūl.
Ūqsas jaŋalyqtar
