2025 jyly stasionarlyq deŋgeide palliativtık kömek körsetu tarifı artty, sondai-aq kepıldendırılgen tegın medisinalyq kömek (KTTMK) şeŋberınde mobildı brigadalardy qarjylandyru kölemı ūlǧaityldy.
«Būl şaralar nauqastardyŋ palliativtık kömekke qoljetımdılıgın arttyruǧa, infraqūrylymdy nyǧaituǧa jäne qyzmettıŋ barlyq deŋgeilerınde damuyn yntalandyruǧa mümkındık beredı», — dep atap öttı Densaulyq saqtau ministrı Aqmaral Älnazarova Almaty qalasynda ötken palliativtık kömek körsetu mäselelerıne arnalǧan jyl saiynǧy konferensiia qatysuşylaryna arnaǧan qūttyqtau sözınde.
Qazaqstanda palliativtık kömektı damytu – densaulyq saqtau jüiesınıŋ basym baǧyttarynyŋ bırı.
«Jazylmaityn dertke şaldyqqan adamdarǧa sapaly palliativtık kömek ūiymdastyru – būl jai ǧana medisinalyq mındet emes. Būl – adamgerşılık, meiırım jäne ädılettılık mäselesı. Qazırgı uaqytta palliativtık kömek körsetudı ūiymdastyrudyŋ jaŋa ūlttyq standarttary äzırlenude. Olar täsılderdı bırızdendıruge, qyzmet sapasyn arttyruǧa jäne multidissiplinarlyq komandalardyŋ tiımdı jūmysyn qamtamasyz etuge baǧyttalǧan. Būl jūmystar stasionar jaǧdaiynda da, üi jaǧdaiynda da jürgızıledı. Äsırese, balalar palliativın damytu – alda bızge ülken jauapkerşılık jükteitın maŋyzdy baǧyt», – dedı ministr.
2025 jylǧy 1 qaŋtardaǧy jaǧdai boiynşa, Qazaqstanda palliativtık tösek-oryn sany normativke jetkızıldı — är 100 myŋ adamǧa 10 tösek. El boiynşa barlyǧy 2 087 tösek orny ūiymdastyrylǧan, onyŋ ışınde 81-ı balalarǧa arnalǧan.
Respublikanyŋ 20 öŋırınde 220 mobildı brigada jūmys ısteidı.
Qazırgı uaqytta Qazaqstanda 9 derbes mekeme palliativtık kömek körsetedı (Almaty, Jambyl, Qaraǧandy, Pavlodar, Soltüstık Qazaqstan, Şyǧys Qazaqstan, Abai oblystarynda, sondai-aq Almaty jäne Şymkent qalalarynda).
Palliativtık kömekke mūqtaj nauqastardyŋ auru qūrylymy keŋeidı:
• onkologiialyq aurular — 41%,
• jürek-qantamyr jüiesı aurulary — 27%,
• tynys alu jüiesı aurulary — 12%,
• jaraqattar — 11%,
• tuberkulez — 2%.
Palliativtık kömek körsetu kezınde qoldanylatyn anestetikter men därılık zattar tızımı 18 atauǧa deiın keŋeitıldı.
2025 jylǧa Bıryŋǧai distribiutor 318,1 mln teŋge somasyna 9 ataudaǧy därılık zattardy (2 mln-nan astam bırlık) satyp aldy.
Sonymen qatar,qazırgı zaman talabyna sai keltıru maqsatynda Densaulyq saqtau ministrlıgı palliativtık kömek körsetu standartyna özgerıster engızudı josparlap otyr.
Konferensiia qorytyndylary jazylmaityn dertke şaldyqqan adamdardyŋ ömır sapasyn qamtamasyz etetın integrasiialanǧan palliativtık kömek jüiesın qalyptastyru jolyndaǧy jaŋa qadam bolmaq.
