Ǵalym-fılolog Asyly Osman aýrýhanaǵa tústi, dep habarlaıdy "Adyrna" tilshisi.
Til janashyrynyń densaýlyǵy syr berip, qazir aýrýhanada em alyp jatyr. Qoǵam qaıratkeriniń jaǵdaıyna alańdaǵan "Adyrna" ulttyq portaly Asyly Osmanǵa habarlasyp, jaǵdaıyn bildi.
"Shúkir, búgin kishkene táýirmin. Dene qyzýym da túsip, jótelim basyldy. Qazir aýrýhanada jatyrmyn. Bir apta aýrýhanaǵa barǵym kelmeı, úıde jatyp edim. Biraq jaǵdaıym nasharlaǵan soń osynda keldim. Qazir koronavırýs qatty jaılapty. Meniń aýrýym ol emes. Dárigerler qarap jatyr", - dedi Asyly Osman.
Fılologııa ǵylymynyń doktory, professor, "Til janashyry" qurmet belgisiniń ıegeri Asyly Osman saýyǵyp kele jatqanyn aıtady. Ol qazir Almatydaǵy aýrýhanalardyń birinde em alyp jatyr.
