Qazaqstan pandemııa saldarynan 3 jyl buryn onlaın bilim berý júıesine kóshken bolatyn. Ondaǵy oqýshy men stýdenttiń bilim deńgeıi qaı-qaısysyn bolmasyn alańdatpaı qoımady. Bul jóninde jaqynda Májilis depýtaty atanǵan Saıasat Nurbek “Jelmaıa” atalatyn YouTube baǵdarlamaǵa bergen suhbatynda aıtyp bergen edi.
“Ekrannyń ar-jaǵynan balalar oqydy ma, ata-analary janynda otyrdy ma, álde ata-ana úı tapsyrmasyn oryndady ma, belgisiz? Bul ata-ananyń deńgeıi me, balalardyń deńgeıi me túsiniksiz”, - dedi saıasattanýshy.
Sondaı-aq, Qazaqstan bilim berý júıesi paıyzdyq deńgeıge táýeldi ekenin aıta ketip, ózge elderden artta qalǵanymyzǵa dálel keltire ótti.
“Qazaqstanda orta bilimde sapanyń paıyzy degen jaman nárse qalyptasty. Iaǵnı, ustaz 60 paıyzdan astam jaqsy baǵamen oqytýy kerek. Biraq bul 3-ke oqıtyn balany 4 qylyp shyǵarady, 4-ke oqıtyn balany 5-qylyp shyǵarady, 2-ke oqıtyn balany 3-qylyp shyǵarady. Sondyqtan sapa túsip qalady”,- dedi ol.
Bilim júıesiniń taǵy bir alańdatar máselesi - “Bolashaq” baǵdarlamasymen oqyp kelgen jastardyń elimizde jumyssyz júrýi. Saıasat Nurbektiń aıtýynsha, olardyń bilim deńgeıimen Qazaqstanda jumys tabý qıyn. Óıtkeni, jumys berýshiniń talaby baǵdarlamamen oqyp kelgen jastardyń biliminen tómen.
“Biz eń sońǵy aqshamyzdy shyǵaryp, myqty baǵdarlamalardy shyǵaryp, sheteldik bilim júıelerinen jartylaı fabrıkat daıyndaımyz. Bul eń sumdyq nárse, tragedııa”,- dep qosty.
Qazir bilim berý júıesi oflaın rejımge almasty. 3 jyl buryńǵy onlaın rejımniń zardabyn endi kórip jatyrmyz.
“Adyrna” ulttyq portaly
