Oqý-aǵartý mınıstri: Elimizde mektep baǵdarlamalary jańartylady

6677
Adyrna.kz Telegram

Elimizde mektep baǵdarlamalary jańartylady. Bul týraly búgin Oqý-aǵartý mınıstrliginiń keńeıtilgen alqa otyrysynda vedomstvo basshysy Ǵanı Beısembaev aıtty, dep jazady "Adyrna" ulttyq portaly. 

Baq.kz habarlaýynsha, mınıstr orta bilim berýdegi negizgi másele – bilim mazmuny men bilim sapasy ekenin atap ótti.

2016 jyldan 2021 jylǵa deıin mektepter jańartylǵan baǵdarlamalarǵa kóshti. Krıterıaldy baǵalaý júıesi engizildi. Bul óte mańyzdy úrdis boldy. Degenmen monıtorıngtik zertteýlerge sáıkes, jekelegen pánder boıynsha oqý baǵdarlamalary,  jetildirýdi qajet etedi, - dep aıtty Beısembaev.

Osyǵan oraı, Oqý-aǵartý mınıstri vedomstvo mektep baǵdarlamalaryn jańǵyrtý jumysyn bastaǵanyna toqtaldy.

Qazir jumys toby quryldy, jańa memlekettik standarttar men oqý baǵdarlamalary ázirlenip jatyr. Ózderińiz biletindeı, byltyrǵy oqý jylynan bastap qazaq tilinde oqytatyn synyptarda 1-synyptan tek qazaq tilin oqytýdy engizdik. Orys tili 2-synyptan bastap, al aǵylshyn tilin oqytý 3-synyptan bastap oqytylady. Orys tilinde oqytatyn synyptarda qazaq jáne orys tilderi júrgiziledi, - dep aıtty ol keńeıtilgen alqa otyrysynda.

Ǵanı Beısembaevtyń aıtýynsha, Memleket basshysynyń tapsyrmasy boıynsha joǵary synyptarda jaratylystaný-matematıkalyq ıkl pánderin oqytý talaptary kúsheıtildi jáne 5-11 synyptar úshin ómirlik qajetti baǵyttardy ıgerý boıynsha «Jahandyq quzyrettilik» kýrsy, bastaýysh synyptarda shahmat boıynsha fakýltatıv engizildi.

"Adyrna" ulttyq portaly 

Pikirler