قازاقستان پاندەميا سالدارىنان 3 جىل بۇرىن ونلاين ءبىلىم بەرۋ جۇيەسىنە كوشكەن بولاتىن. ونداعى وقۋشى مەن ستۋدەنتتىڭ ءبىلىم دەڭگەيى قاي-قايسىسىن بولماسىن الاڭداتپاي قويمادى. بۇل جونىندە جاقىندا ءماجىلىس دەپۋتاتى اتانعان ساياسات نۇربەك “جەلمايا” اتالاتىن YouTube باعدارلاماعا بەرگەن سۇحباتىندا ايتىپ بەرگەن ەدى.
“ەكراننىڭ ار-جاعىنان بالالار وقىدى ما، اتا-انالارى جانىندا وتىردى ما، الدە اتا-انا ءۇي تاپسىرماسىن ورىندادى ما، بەلگىسىز؟ بۇل اتا-انانىڭ دەڭگەيى مە، بالالاردىڭ دەڭگەيى مە تۇسىنىكسىز”، - دەدى ساياساتتانۋشى.
سونداي-اق، قازاقستان ءبىلىم بەرۋ جۇيەسى پايىزدىق دەڭگەيگە تاۋەلدى ەكەنىن ايتا كەتىپ، وزگە ەلدەردەن ارتتا قالعانىمىزعا دالەل كەلتىرە ءوتتى.
“قازاقستاندا ورتا بىلىمدە ساپانىڭ پايىزى دەگەن جامان نارسە قالىپتاستى. ياعني، ۇستاز 60 پايىزدان استام جاقسى باعامەن وقىتۋى كەرەك. بىراق بۇل 3-كە وقيتىن بالانى 4 قىلىپ شىعارادى، 4-كە وقيتىن بالانى 5-قىلىپ شىعارادى، 2-كە وقيتىن بالانى 3-قىلىپ شىعارادى. سوندىقتان ساپا ءتۇسىپ قالادى”،- دەدى ول.
ءبىلىم جۇيەسىنىڭ تاعى ءبىر الاڭداتار ماسەلەسى - “بولاشاق” باعدارلاماسىمەن وقىپ كەلگەن جاستاردىڭ ەلىمىزدە جۇمىسسىز ءجۇرۋى. ساياسات نۇربەكتىڭ ايتۋىنشا، ولاردىڭ ءبىلىم دەڭگەيىمەن قازاقستاندا جۇمىس تابۋ قيىن. ويتكەنى، جۇمىس بەرۋشىنىڭ تالابى باعدارلامامەن وقىپ كەلگەن جاستاردىڭ بىلىمىنەن تومەن.
ء“بىز ەڭ سوڭعى اقشامىزدى شىعارىپ، مىقتى باعدارلامالاردى شىعارىپ، شەتەلدىك ءبىلىم جۇيەلەرىنەن جارتىلاي فابريكات دايىندايمىز. بۇل ەڭ سۇمدىق نارسە، تراگەديا”،- دەپ قوستى.
قازىر ءبىلىم بەرۋ جۇيەسى وفلاين رەجيمگە الماستى. 3 جىل بۇرىڭعى ونلاين رەجيمنىڭ زاردابىن ەندى كورىپ جاتىرمىز.
“ادىرنا” ۇلتتىق پورتالى
