QR Ǧylym jäne joǧary bılım ministrı Saiasat Nūrbek Almatydaǧy ǧylymi-zertteu instituttaryna bardy. Ol kezdesu barysynda qyzmetkerlermen tıldesıp, ötınışterın tyŋdady, dep habarlaidy «Adyrna» tılşısı.
«Memleket basşysy Qasym-Jomart Toqaev elımızdıŋ ǧylymi äleuetın damytuǧa ülken män berıp otyrǧanyn köpşılık bıledı. Öitkenı, ǧylymi progress otandyq ekonomikany odan ärı damytudyŋ negızgı aspektılerınıŋ bırı bolyp esepteledı.
Almatyǧa jūmys sapary barysynda ekı ǧylymi-zertteu institutynda boldym: zoologiia, genetika jäne fiziologiia.
İnstitut qyzmetkerlerımen kezdesuler ötkızıp, Qazaqstan ǧylymyn damytudyŋ özektı mäselelerı jönınde pıkır almastyq, salanyŋ mäselelerın talqyladyq. Genetika jäne fiziologiia instituty qyzmetkerlerınıŋ mal şaruaşylyǧyndaǧy praktikalyq genetikalyq zertteulerge arnalǧan eŋbekterı bedeldı Plants jurnalynda jariialandy. Osy uaqytqa deiın bırde-bır qazaqstandyq genetiktıŋ zertteuı mūndai bedeldı basylymǧa şyqpady.
«Zoologiia instituty» ǧylymi-zertteu institutynyŋ ǧalymdary 800-den astam januardy sipattap, Qazaqstannyŋ joiylyp bara jatqan januarlarynyŋ Qyzyl kıtabyn basyp şyǧardy. Sonymen qatar, ǧylymi-zertteu institutynyŋ qyzmetkerlerı Qazaqstandaǧy qūstardyŋ köşı-qony jäne olardyŋ virustyq infeksiialardyŋ (sonyŋ ışınde koronavirus) taraluyndaǧy rölı salasynda zertteuler jürgızedı. Aitpaqşy, Zoologiia instituty biyl 90 jyldyq mereitoiyn atap ötude.
(Fotolar Saiasat Nūrbektıŋ jäne Serık Abbas-Şahtyŋ Feisbuktaǧy paraqşalarynan)
Kezdesu barysynda ǧylymi-zertteu instituttarynyŋ qyzmetkerlerı instituttardy materialdyq-tehnikalyq jaraqtandyru, kadrlardy daiarlau jäne jas ǧalymdardyŋ eŋbek jaǧdaiyn jaqsartuǧa bailanysty mäselelerdı aşyq aitty. Köterılgen dünieler ministrlıktıŋ baqylauyna alyndy, bırde-bır mäsele nazardan tys qalmaidy»,—dedı vedomstvo basşysy.Ministrdıŋ Almatydaǧy sapary turaly belgılı jurnalist Serık Abbas-Şah ta jazdy.
"Myna fotolar Äl Farabi 93-te ornalasqan "Genetika jäne fiziologiia" ǧylymi institutynda tüsırılgen (desedı).
Tüsırılgen uaqyty - 1993 jyl emes, 2022 jyl (HHI ǧasyr, bügıngı kün)
Ǧimarat apattyq jaǧdaida tūrǧanyn suretten köruge bolady.
Bügın būl ǧimaratqa jaŋa ministr kelıp, bärın öz közımen körıptı (dep jatyr).
Ǧylym da, ǧimarat ta reanimasiiada siiaqty.
Būryn "Äkesı ölse de estırtedı" deitın prinsippen nege osylai aşyq aitylmaǧan?
Būl salany tırıltuge myqty jüike kerek, Saiasat myrza.
Uinston Cherchildıŋ "Ol Reseidi soqamen qabyldap, soŋyna atom bombasymen qaldyrdy” degenındei Prezidentke de syn.
Ǧylym oŋalmai, basqa sala oŋalmaidy. Eee de…" dep jazdy ol özınıŋ Feisbuktegı paraqşasynda.
(Fotolar Saiasat Nūrbektıŋ jäne Serık Abbas-Şahtyŋ Feisbuktaǧy paraqşalarynan)Ūqsas jaŋalyqtar
