Astana polıııasy Qazaqstan jerinde 1932-1933 jyldary bolǵan asharshylyq qurbandaryna ornatylǵan eskertkishtegi balanyń músinin urlady degen kúdiktiniń ustalǵanyn málimdedi. Qola músin metall qabyldaıtyn pýnkten tabylǵan.
"1932-1933 jyldardaǵy ashtyq qurbandaryna ornatylǵan eskertkish keshennen músin urlady delingen kúdikti men urlanǵan músindi satyp aldy degen kúdikti anyqtaldy" delingen Astana qalalyq ishki ister departamentiniń baspasóz qyzmetinde.
Polıııa "urlyq" jáne "qylmystyq jolmen tabylǵan múlikti ıelený nemese ótkizý" baptary boıynsha tergeý bastalǵanyn habarlady. Kúdikti ýaqytsha ustaý abaqtysyna jabylǵan.
Eskertkish keshennen balanyń músini urlanǵany týraly 2017 jyly jazda habarlanǵan. Bıylǵy jyldyń basynda urlanǵan músinniń ornyna qaıtadan quıylǵan músin ornatylǵan edi. Polıııanyń málimetinshe, músin ekinshi ret ótken aıda urlanǵan.
Astanada "Qasiret qabyrǵasy" dep atalatyn kompozıııanyń janyndaǵy 1932-1933 jyldardaǵy asharshylyq qurbandaryna ornatylǵan eskertkish resmı túrde 2012 jyly 31 mamyrda ashylǵan.
___________________________________________________________________________________________________________-
azattyq.org
