Astana polisiiasy Qazaqstan jerınde 1932-1933 jyldary bolǧan aşarşylyq qūrbandaryna ornatylǧan eskertkıştegı balanyŋ müsının ūrlady degen küdıktınıŋ ūstalǧanyn mälımdedı. Qola müsın metall qabyldaityn punkten tabylǧan.
"1932-1933 jyldardaǧy aştyq qūrbandaryna ornatylǧan eskertkış keşennen müsın ūrlady delıngen küdıktı men ūrlanǧan müsındı satyp aldy degen küdıktı anyqtaldy" delıngen Astana qalalyq ışkı ıster departamentınıŋ baspasöz qyzmetınde.
Polisiia "ūrlyq" jäne "qylmystyq jolmen tabylǧan mülıktı ielenu nemese ötkızu" baptary boiynşa tergeu bastalǧanyn habarlady. Küdıktı uaqytşa ūstau abaqtysyna jabylǧan.
Eskertkış keşennen balanyŋ müsını ūrlanǧany turaly 2017 jyly jazda habarlanǧan. Biylǧy jyldyŋ basynda ūrlanǧan müsınnıŋ ornyna qaitadan qūiylǧan müsın ornatylǧan edı. Polisiianyŋ mälımetınşe, müsın ekınşı ret ötken aida ūrlanǧan.
Astanada "Qasıret qabyrǧasy" dep atalatyn kompozisiianyŋ janyndaǧy 1932-1933 jyldardaǧy aşarşylyq qūrbandaryna ornatylǧan eskertkış resmi türde 2012 jyly 31 mamyrda aşylǧan.
___________________________________________________________________________________________________________-
azattyq.org
Ūqsas jaŋalyqtar
