Ūlttyq dombyra künı qarsaŋynda Ūlan audanyndaǧy Balalar muzyka mektebınıŋ aumaǧynda ūlttyq muzykalyq mūraǧa arnalǧan şaǧyn säulet nysanynyŋ saltanatty aşylu räsımı öttı. Būl nysan qazaq halqynyŋ mädenietı men salt-dästürıne degen qūrmettıŋ taǧy bır aiqyn belgısıne ainalmaq.
Saltanatty şaraǧa audan äkımınıŋ orynbasary M. Pırjanov, Qasym Qaisenov kentı Aqsaqaldar keŋesınıŋ töraǧasy A. Uäliev, Öskemen qalasyndaǧy Şyǧys Qazaqstan oblystyq mamandandyrylǧan «Bılım-innovasiia» liseiınıŋ direktory O. Rahman, oblystyq Qoǧamdyq keŋestıŋ töraǧasy A. Äşımova, sondai-aq qoǧam ökılderı, ūstazdar, oquşylar jäne audan tūrǧyndary qatysty.
Jinalǧan qauymdy Ūlttyq dombyra künımen qūttyqtaǧan qūrmettı qonaqtar dombyranyŋ jai ǧana muzykalyq aspap emes, ūlttyq bolmystyŋ, ruhani bailyqtyŋ jäne ūrpaqtar sabaqtastyǧynyŋ maŋyzdy simvoly ekenın atap öttı. Qūttyqtau sözderınen keiın jaŋa nysannyŋ aşyluyn bıldıretın dästürlı lenta qiiu räsımı öttı.
Merekenıŋ körkın Balalar muzyka mektebınıŋ ūstazdary men tärbielenuşılerınıŋ önerı aişyqtai tüstı. Olardyŋ oryndauynda Ūly dalanyŋ tarihy men ruhyn, halyqtyŋ bolmysyn beineleitın äigılı qazaq küilerı şyrqaldy. Dombyranyŋ qoŋyr ünı merekege erekşe sän berıp, ūlttyq mädeniettıŋ bailyǧy men mäŋgılık qūndylyǧyn taǧy bır märte paş ettı.
Ūlttyq dombyra künı qarsaŋynda jaŋa nysannyŋ aşyluy audannyŋ mädeni ömırındegı maŋyzdy oqiǧaǧa ainaldy. Osyndai igı bastamalar ūlttyq mūrany saqtap, keŋınen nasihattauǧa, jastardyŋ dästürlı önerge degen qūrmetın arttyruǧa jäne ata-babadan amanat bolǧan ruhani qūndylyqtardy keler ūrpaqqa jetkızuge zor üles qosady.
