Mahabbatta jıi joly bolmaıtyn 4 zodıak belgisi: sebebi, sheshimi

3365

Kez kelgen adam qarym-qatynasta jetistikke jetýi úshin kelesi bir adamnyń júreginiń kiltin tabýy kerek. Alaıda, zodıak belgileriniń ishinde osyndaı jaqyndyqqa ıe bolýda jıi joly bolmaıtyn 4 zodıak belgisi bar.  «Adyrna» tilshisi osy zodıak belgileriniń mahabbatta jetistikke jetýdegi qıyndyqtary men sebebin ashyp aıtyp bermek.

Saryshaıan

Saryshaıandar óziniń potenıaldy seriktesterin ótkir minezdiligimen úrkitip alady. Saryshaıandardyń ishki dúnıesiniń tuńǵıyqtyǵy men shytyrmandyǵy sonshalyqty, keıbir bul belgidegi jandar tipti óz  minezin túsine almaıdy.

Er saryshaıandar da, áıel saryshaıandar da mahabbatqa jeńil qaraýdan qashqan emes. Biraq naǵyz qarym-qatynas qurý úshin olarǵa ózderiniń ishki jan-dúnıesine senetin adal jáne baısaldy adam qajet.

Sýquıǵysh

Osy belginiń ókilderi úshin ózińizge senimdi bolý jáne erekshe bolý mańyzdy. Ol ekstravaganttyqpen sıpattalady, ıaǵnı syrtqy nemese ishki dúnıe. Syrtynan qarasań sýquıǵyshtar tym qatal ári tuıyqtaý kórinýi múmkin. Alaıda, olarǵa shynaıy unaı bilseńiz, dostyq kiltin taba alsańyz olardyń sizge ashylýy ońaıǵa soqpaq.

Alaıda, sýquıǵyshpen dostyqtan keıingi qadamǵa ótý – birshama qıyndaý. Eger onymen shynaıy mahabbatqa toly qarym-qatynas qurǵyńyz kelse, eń aldymen dostyq etaptan ótkenińiz abzal. Onymen birdeı oılap, onyń qabyldaǵan sheshimine qoldaý bildirińiz. Óz kezeginde, sýquıǵysh ózine tym senimdiliginiń kesirinen ara-qatynas qurǵan sátte jeke táýelsizdiginen aıyrylatyndaı sezinedi. Bul onyń basty kemshiligi.

Mergen

Mergender bostandyqty, erkin júrýdi súıetin erekshe zodıak belgisi bolyp tabylady. Olar aqyldy, bilimdi, jan-jaqty, biraq ol osynyń báriniń damýy tek óziniń arqasy dep biledi. Ol bireýdiń aqyl aıtqany men tálimgerlik etkenin unatpaıdy. Alaıda mergender ózgelerge keńes berýge qumar ári ózi de tamasha moralızator.

Mergender basqalardyń sezimderin seziný úshin tym saq bolyp, kóbine barlyǵyn aqylǵa salady. Ózine unaǵan adamnyń óziniń tik minezdiligine, ashyqtyǵyna oń kózqaraspen qaraǵanyn qalaıdy. Ekinshi jartysy onyń jeke ómirine shekten tys kirisip, shekteýler qoıǵanyn qalamaıdy. Sondyqtan olar jeńil jaqyndyqtaǵy ara-qatynasty qoldaıdy. Olar belsendi ári ınııatıvti jandar. Sondyqtan, mergen qyz/uldy unatsańyz, sheshim qabyldaýdan qoryqpańyz.

Egizder

Osy zodıak belgisiniń ókilderi úshin shynaıy qarym-qatynas qurý qıyn taqyryptardyń biri, ásirese, egiz-erler úshin. Egizderge jetýge umtylǵan adamdar osy belgi ókilderiniń erekshe nazar bólgenin qalaıdy. Biraq bul múmkin emes, óıtkeni egizder barlyǵynyń nazarynda.

Erekshe, jańa jáne qyzyqty dúnıeler bul belgidegi jandardy qyzyqtyra bastaıdy. Alaıda olar kóp nárseden tez jalyqqysh keledi. Sondyqtan egizder basqa nárseni izdeı bastaıdy. Egizder bir adamǵa baýyr basqanyn jáne naqty unatatynyn qarym-qatynas kezinde jıi uǵa almaıdy. Iá, olarmen tez til tabysý, dos bolý ońaı biraq, qarym-qatynasta turaqtylyqqa jetý qıyn. Olardyń artynan júgirip, mahabbatyńyzdy tolyǵymen kórsetýdiń qajeti joq. Óıtkeni, olar sizdi shynynda kerek adam dep tapsa, ózderi-aq ınııatıva tanytady.

«Adyrna» ulttyq portaly

Pikirler
Redakııa tańdaýy