Almaty oblysynda Berdıbek Soqpaqbaevtyŋ eskertkışı boi kötermek. Būl turaly öŋır äkımı Quat Sūltanǧaziv jazuşynyŋ 100 jyldyq mereitoiynyŋ saltanatty şarasynda aitty, dep habarlaidy «Adyrna» tılşısı.
«Prezidentımız Qasym-Jomart Kemelūly Toqaev töl ädebietımızdıŋ damuyna erekşe köŋıl bölıp keledı. Osy oraida ädebietımızdıŋ bırtuar tūlǧasy Berdıbek Soqpaqbaevtyŋ mereitoiyn tuǧan ölkesınde keŋ kölemdı atap ötu prezidenttıŋ ruhaniiat salasyndaǧy saiasatyn qoldau dep bılemız.
Raiymbek audanynyŋ ortalyǧy – Narynqol auylyndaǧy Berdıbek Soqpaqbaevtyŋ aty berıletın saiabaqta jazuşynyŋ eŋselı eskertkışı boi köteretın bolady»,—dedı ol.
Äkım aldaǧy uaqytta būdan bölek bırneşe jūmystyŋ atqarylatynyn atap öttı.
«Narynqoldaǧy Berdıbek Soqpaqbaev atyndaǧy mektep-gimnaziiaǧa aǧymdaǧy jöndeu jūmystaryn jürgızu, mekteptegı jazuşynyŋ muzeiın zamanaui ülgıde jabdyqtau, mektep aldynda ornalasqan jazuşynyŋ biustın qaita jasau syndy bırqatar jūmystar josparlanǧan. Qalamgerdıŋ tuǧan auyly – Qostöbe abattandyrylyp, infraqūrylymy jöndeledı. Berdıbektei bırtuar jazuşyǧa qūrmet körsetu ısı tuǧan audanymen ǧana şektelıp qalmauy kerek dep oilaimyn. Mäselen, qalyŋ būqara qoldap jatsa, oblystyq kıtaphanaǧa Berdıbek Soqpaqbaev esımın berudı ūsynamyn. Būl bastamany jauapty mekemeler jyl soŋyna deiın jüzege asyrady dep ümıttenemın»,—dep tolyqtyrdy Sūltanǧaziv.
