Qoǧam qairatkerı Älihan Bäimenov Qasqa jol baǧdarlamasyna bergen sūhbatynda qazaq tılınıŋ eldegı märtebesı turaly pıkır bıldırdı, dep jazady "Adyrna" saity kaz.orda.kz-ke sıltep.
«Qazaq tılınıŋ qatardaǧy qarapaiym halyqtyŋ tılı bolsa, bai men bilıktıŋ tılı – orys tılı. Ol da qoǧamnyŋ ışındegı qaişylyqtardy tuyndatady. Al qatardaǧy memlekettık qyzmetşılerdıŋ köpşılıgı qolda bar aqparatyn özderınıŋ mındetıne säikes basşylaryna jetkızıp otyruǧa tyrysady. Bıraq saiasi lauazymdaǧylar: ministr, äkımder özderın taǧaiyndaǧan adamnyŋ qas-qabaǧyna qarap äbden üirengen. Sebebı, olardy taǧaiyndaǧanda bılımıne, bılıgıne qarap taǧaiyndaǧan joq. Olardy taǧaiyndaǧanda sol adamǧa senemın dep taǧaiyndady. Sol özıne qyzmet etedı dep taǧaiyndady. Būl jerde bızdıŋ saiasi jüienıŋ qaişylyǧy bar. Onyŋ tübı – 1995 jylǧy konstitusiiada» dedı Bäimenov.https://youtu.be/PFHTBGcBDlQ
Ūqsas jaŋalyqtar
