Qoǵam qaıratkeri Álıhan Báımenov Qasqa jol baǵdarlamasyna bergen suhbatynda qazaq tiliniń eldegi mártebesi týraly pikir bildirdi, dep jazady "Adyrna" saıty kaz.orda.kz-ke siltep.
«Qazaq tiliniń qatardaǵy qarapaıym halyqtyń tili bolsa, baı men bıliktiń tili – orys tili. Ol da qoǵamnyń ishindegi qaıshylyqtardy týyndatady. Al qatardaǵy memlekettik qyzmetshilerdiń kópshiligi qolda bar aqparatyn ózderiniń mindetine sáıkes basshylaryna jetkizip otyrýǵa tyrysady. Biraq saıası laýazymdaǵylar: mınıstr, ákimder ózderin taǵaıyndaǵan adamnyń qas-qabaǵyna qarap ábden úırengen. Sebebi, olardy taǵaıyndaǵanda bilimine, biligine qarap taǵaıyndaǵan joq. Olardy taǵaıyndaǵanda sol adamǵa senemin dep taǵaıyndady. Sol ózine qyzmet etedi dep taǵaıyndady. Bul jerde bizdiń saıası júıeniń qaıshylyǵy bar. Onyń túbi – 1995 jylǵy konstıtýııada» dedi Báımenov.
