Aýdarmashy, ultynyń janashyry, tiliniń qorǵany Maqsat Arzaman Astana tórinde ótken halyqaralyq sıpattaǵy "TEDxAstana" jobasynda qazaq tiliniń qadir-qasıeti men qoǵamdaǵy mereı-mártebesin aıshyqtap, kózine jas aldy. Týǵan tiliniń tunyq tabıǵaty, qarqara qundylyǵy jaıynda tolǵandy. Til taǵdyryn óz taǵdyrym dep biletin azamat kókeıtesti máseleni tike talqylap, kórermendi rýhtandyrdy. Teginde, bul týraly "Adyrna" ulttyq portaly baıandaıdy.
Halyqaralyq «Qazaq tili» qoǵamynyń ókili, aýdarmashy Maqsat Arzaman kúlli jahan jurtshylyǵy ótkizip jatqan "TEDx" úlgisindegi jıynda qazaq tiline qatysty baıandama jasady:
- Eltańba, kók tý, ánuranmen qatar ana tilimizdiń de memlekettik mereı-mártebesi bar. Munyń bári Qazaq eli degen tiri aǵzanyń jandy bólikteri. Qazaq tilin jetimsiretpeı, qolymyzǵa alyp, júregimizge tutyp, ómirimizge kirgizeıik, - dedi keıipker.
"Adyrna" ulttyq portalynyń atynan ana tilimizdiń arnasyn keńeıtip, aryndy aǵysyn kúsheıtip, tynysyn ashyp júrgen barsha azamattarǵa tolaıym tabystar tileımiz!
"Adyrna" ulttyq portaly
