Bırneşe künnen berı Mūŋǧūliiada tūratyn mūŋǧūldar men qazaqtardyŋ arasynda lap etken dau uşyǧyp, bıraz jerge deiın jettı.
Ekeuı de dala mınezdı, yqylym zamannan berı bır taudyŋ är jaǧynda köşıp-qonyp jürgen tarihy ortaq, taudyŋ taǧy bolmysy bar halyq qoi, bır - bırıne qyrǧidai tigende myna jaqta otyryp, sol dalanyŋ tumasy bolǧandyqtan, bırdeŋe dep qalǧyŋ keledı eken. Daudy bastaǧan Naryntūiaa degen deputat, aktrisa äiel, iaǧni, ol Bai-Ölke aimaǧynda Qazaqstan elşılıgınıŋ konsuly aşyluyna qarsy eken, onyŋ oiynşa, ol mäselenı mūŋǧūldar bırjaqty şeşuı kerek, özgelerdıŋ hūqy joq.
Sol-aq eken, jergılıktı halqalar şibörıdei şulap qoia berdı. Qazaqtyŋ adresıne qarata aitylǧan ūlttyq namysty qorlaityn sözderdıŋ ne türı ketıp jatyr: "Qazaqstanyŋa ket, būl menıŋ jerım, moŋǧolşa söile, qazaqşa jazba!.." t.b.
Al, myna jaqta, bolsa, iaǧni, Qazaqstanda bır orys qatyn Qazaqtyŋ qyzyna qazaq jerınde tūryp, böten memlekettıŋ tılınde jauap beruın talap etıp dıkeŋdep ūrsyp jatty...
Men būl ekı oqiǧadan bırı - basqanyŋ jerınde ömır süruge mäjbür bolǧany üşın pūşaiman küi keşken ar jaqtaǧy qazaq pen bırı - özınıŋ resmi jerınde otyryp, kırme ūlttyŋ basynǧan basqynşylyǧyn körıp otyrǧan bergı jaqtaǧy qazaqtyŋ, jalpy Qazaqtyŋ ortaq ūlttyq problemasyn körıp otyrmyn.
Eeh... Menıŋ halqym ne degen taǧdyr-talaily ūlt edı?
Men üşın jüregımdı auyrtatyny - osy ekı jaqtaǧy qazaqtyŋ taǧdyry men tarihynyŋ ışınde menıŋ de bar ekenım... öle-ölgenşe jüretınım...
Oǧan, eger, o jaqta bolsam, "hasag", "Qazaqstanyŋa ket" deitınderın estumen bolatynymdy, myna jaqta alǧaş "qazaǧym" dep köşıp kelgen jyldary "moŋǧoldar", "Moŋǧoliialaryŋa kete bermeisıŋder me!" dep şūqylap, sausaqtaryn şoşaitqan kezder bolǧanyn qosyp qoiyŋyz.
Bala kezımde Būlǧyn sūmynynda taudyŋ töbesıne şyqsaŋ, ar jaǧynan qytailar körınedı dese, Bai -Ölke aimaǧynda taudyŋ ar jaǧynda orystar bar deitın Söitsem, sol orys pen qytai menşıktep (tartyp) alǧan jerler, bır taudyŋ är jaǧynda şaşylyp qalǧan qazaqtyŋ öz jerlerı eken ǧoi. Myna daudyŋ da tüp-törkını sol bır qazaqty san qazaqqa bölşektep, qūiqaly jerlerın kezınde Stalin, Ma -Sze -Dun, Choibalsandar (Choibalsannyŋ pälendei rölı joq şyǧar) tört elge bölıp tastau deitın qitūrqy saiasatta jatqan joq pa?!
O, Qūdaiym! Menı eşkım alalap bölmeitın, öktemsıp basynbaityn, aitysyp tartyspaityn bır meken bar ma eken, myna jer betınde?! Bolsa ǧoi, közımdı jūmyp, qūlaǧymdy basyp, aldy-artyma qaramai bezıp ketkım keledı. Jäne menıŋ qaida, qalai ömır süretınımdı eşkım nūsqamaityn jaqqa!
Jetedı.
Tüiın:
Ärkımnıŋ öz oiyn aituǧa qūqy bar. Bıraq, memlekettık, halyqaralyq ısterdı jeŋıltek jekelegen pıkırler emes, memleketaralyq salmaqty qarym-qatynastar şeşedı.
