Qazaq tilindegi aqparattyń durys jazylýyna kóńil bóleıik

3894
Júrgen jerimde jazýlardyń qazaqshasyna qarap júrem. Qoǵamdyq tamaqtaný oryndaryna barǵanda as máziriniń qazaqshasyn suratam. Bolmasa, ákimgerin shaqyrtyp, qazaqshasynyń bolýynyń mańyzdylyǵyn túsindirem. “Qazaq tili bizge qajet bolmasa, basqa kimge kerek” degenge saıatyn áńgime aıtyp, namysyn oıatýǵa tyrysam.
Bir kúni zańger dosym Abzal Quspan:
“Oıbaı-aý, onyń jarasy jeńil. Tutynýshylardyń quqyǵyn qorǵaý týraly zań bar. Sol zańnyń pálenbaıynshy babyna sáıkes, qazaq tilinde qyzmet kórsetýge mindetti. Áıtpese, sotqa júginip, pálenbaı aıyppul saldyrýǵa bolady”, - dep keńes berdi.
Namysqa júginýden góri, zańǵa júginý ótimdi bolyp shyqty. Talaı ret kózim jetti.
Kúni keshe memleket basshysy "Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly" Zańǵa qol qoıdy.
Zańǵa sáıkes, budan bylaı barlyq kórneki aqparat, aıtalyq jer-sý, kóshe ataýlary, mańdaıshalar, preıskýranttar, as máziri jáne t.b. aldymen qazaqsha, tek qajet bolǵan jaǵdaıda basqa tilderde jazylady.
Endigi jerde “nege qazaq tilinde joq” degen áńgime de tyıylatyn boldy dep oılaımyn. Kelesi másele qazaq tilindegi aqparattyń kalkasyz, túsinikti tilmen jazylýyna kóńil bólip júrsek.
Shyńǵys MUQAN, 
Shymkent qalasy ákiminiń birinshi orynbasary 
Pikirler
Uqsas jańalyqtar