قوعام قايراتكەرى ءاليحان بايمەنوۆ قاسقا جول باعدارلاماسىنا بەرگەن سۇحباتىندا قازاق ءتىلىنىڭ ەلدەگى مارتەبەسى تۋرالى پىكىر ءبىلدىردى، دەپ جازادى "ادىرنا" سايتى kaz.orda.kz-كە سىلتەپ.
«قازاق ءتىلىنىڭ قاتارداعى قاراپايىم حالىقتىڭ ءتىلى بولسا، باي مەن بيلىكتىڭ ءتىلى – ورىس ءتىلى. ول دا قوعامنىڭ ىشىندەگى قايشىلىقتاردى تۋىنداتادى. ال قاتارداعى مەملەكەتتىك قىزمەتشىلەردىڭ كوپشىلىگى قولدا بار اقپاراتىن وزدەرىنىڭ مىندەتىنە سايكەس باسشىلارىنا جەتكىزىپ وتىرۋعا تىرىسادى. بىراق ساياسي لاۋازىمداعىلار: مينيستر، اكىمدەر وزدەرىن تاعايىنداعان ادامنىڭ قاس-قاباعىنا قاراپ ابدەن ۇيرەنگەن. سەبەبى، ولاردى تاعايىنداعاندا بىلىمىنە، بىلىگىنە قاراپ تاعايىنداعان جوق. ولاردى تاعايىنداعاندا سول ادامعا سەنەمىن دەپ تاعايىندادى. سول وزىنە قىزمەت ەتەدى دەپ تاعايىندادى. بۇل جەردە ءبىزدىڭ ساياسي جۇيەنىڭ قايشىلىعى بار. ونىڭ ءتۇبى – 1995 جىلعى كونستيتۋتسيادا» دەدى بايمەنوۆ.
