Qoǧam belsendısı Erlan Şaiahmetūly Semei qalasy äkımdıgınıŋ ısıne, aitqan mälımdemesıne köŋılı tolmaǧanyn jazdy dep habarlaidy, "Adyrna" tılşısı. Būl turaly ol özınıŋ äleumettık jelısınde jazdy.
"Semei qalasynyŋ ışkı saiasat bölımınde ısteitın bır azamat Äzılhan Nūrşaiyqovtyŋ atyna köşe beruge qarsy şyǧyp, batyr qyz Baian Baiǧojinany feik dep, Semeige örkenietpen mädeniettı orystar äkeldı degender, Myŋ jyldyq şahar tarihy Orystardyŋ keluımen 300 jyl būryn bastaldy dep aitqandar, Lenin atyndaǧy köşe Mäŋgılık el atanuyna qarsy şyqqan, Semei emes Semipalatinsk dep jürgen ÖZGE ūlt ökılderın Ziialy qauym qataryna qosyp, olardyŋ pıkırımen sanasu kerek deptı. Sonda äkımdıkte öz tarihyna qarsy adamdar qyzmet etıp jür me? Qalai özı?
Jaŋa ǧana Semei qalasynyŋ äkımı B. Baiahmetovtyŋ tıkelei qabyldauymen aştym, teŋeumen aitsam bügın aqpannyŋ esıgın de aşqan kün. Qabyldauǧa äkım orynbasary A. Sadyrbaev, ışkı saiasat bölımınen J. Üisınbaeva, mädeniet jäne tılderdı damytu bölımı basşysy N. Aqqojinalar qatysty.
Jalpy qabyldaudyŋ jauapty orynbasardyŋ bergen dälelderıne mülde köŋılım tolmady. Äkımnıŋ orynbasary men ışkı saiasat bölımı basşysy mülde tyǧyryqqa tırelıp jauap bere almady. 2013 tı bylai qoiǧanda 2016 jyly ötken baiqaudan mülde tük bılmei habarsyz şarasyzdyq tanytulary köŋılıme küdık ūialatty. Sonda resmi qūjattar räsımdelmegen be? Äkım orynbasary "ziialy qauym qarsy" degen pıkırın de aityp qaldy, syltauy tausylyp endı ziialy qauymnyŋ atyn jamyluǧa köşken be degen oi qylaŋ berdı!? Men de auzy aŋqaiyp sene beretın adam emespın ǧoi. Talai naǧyz ziialy qauym ökılderımen sūhbattasyp aq batalaryn alyp keldım. Öz qalasyna täuelsızdıktıŋ jaŋa taŋbasyn, tarihyn qabyldauǧa qarsy ol qandai ziialy qauym? Osyǧan bailanysty äkım B. Baiahmetov mäselenıŋ aq-qarasyn anyqtauǧa orynbasary men ışkı saiasat bölımıne bır jūma uaqyt berdı. Taǧy da sol A. Sadyrbaevqa jükteldı, äkımnıŋ qabyldauynan soŋ orynbasarynyŋ özın aşuly ūstauy da köŋılıme türlı keleŋsız oi saldy. Onyŋ üstıne endı baiqaudy üşınşı ret ūiymdastyru turaly da ūsynys aitylyp qaldy, men oǧan üzıldı-kesıldı qarsy şyqtym. Endı taǧy baiqau ūiymdastyrylsa qatysudan bas tartamyn, on jyl mazaq boludan qajydym, jäne ony jeke basyma degen lauazymdaryn asyra paidalanyp qorlau dep qabyldaimyn. Qaitkende menı şettetıp-mūqatu äreketı dep oilaimyn. Ondai moraldyq tūrǧydan kemsıtudı jeke, sot arqyly şeşu jolyn qarastyramyn. On jyldan astam uaqytymdy, densaulyǧymdy osy qala taŋbasy üşın bergen adammyn. Aiaq astynan paida bolǧan qala taŋbasyna alaŋdaǧyş "ziialylar" sonda qaida boldy? Ondai ar-ūiatyn jiyp qoiǧandardy "ziiandy qauym" der edım! Men eşkımnıŋ mazaǧy emespın! Endı Ükımetke de moiyndatyp, bar zaŋdylyǧyn däleldep, memlekettık komissiianyŋ rūqsatyn alyp bergende būl qūiqyljulary qai qūiqylju? Jalpy adamnyŋ ūlyna, adamgerşılıkke jatady ma? Qalai oilaisyzdar? Äkımdık Ükımet bekıtken geraldikaǧa jauapty joǧary qūzyrly oryndardyŋ şyǧarǧan şeşımın pysqyrmai da otyr ma dep qaldym? Jauaptaryna sendım be, JOQ! Taǧy tereŋdetkılerı kelse qarsylyǧym joq, qyrqyna da şydaǧan jürekten "endı bırıne de şyda" dep sūrap köremın.
Bır jūmadan soŋ berıletın jauap menı qanaǧattandyrmasa Semei qalasynyŋ äkımı jäne ŞQO äkımdıgınıŋ qūzyrly oryndarynan Semei qalasynyŋ ortalyq alaŋyna zaŋ aiasynda beibıt miting ötkızuge hat tüsırmekpın. Barlyq tuyndaǧan mäselenı, tuyndatyp otyrǧan adamdy sol jerde BAQ arqyly aityp beremın.
Jäne būl turaly Respublikalyq gazet arqyly da köteruge şeşım qabyldap otyrmyn.
Men äkımdıkten jaŋa Qazaqstannyŋ Aşyq ükımetınıŋ lauazym iesıne degen ümıtım odan saiyn jıŋışkerıp üzılu şegıne jetkendei äserde şyqtym. Aqiqaty osy!
Äkımnıŋ pende bergen lauazymy ülken bolsa, menıŋ Alla bergen jasym ülken ǧoi, qabyldau soŋyna äkımnıŋ eŋbegıne tabys tılep: - Mansaptyŋ qūly emes, halqyŋyzdyŋ ūly bolyŋyz! dep amandyq tılep, amanat bata berıp qoştastym.
Äkım de öz tarapynan: - Atanyŋ emes, adamnyŋ ūly boluǧa uäde berdı.
Būl sözımde jalǧan joq, aitylmai sözım qalǧan joq..." dep jazdy ol jazbasynda.
Ūqsas jaŋalyqtar
