Úkimet basshysy Bektenov elimizde TikTok jelisiniń jumysyna qatysty pikir bildirdi, dep habarlaıdy “Adyrna” ulttyq portaly.
Onyń sózinshe, TikTok-tyń Qazaqstandaǵy resmı ókildigimen tyǵyz baılanysta jumys júrgizilip jatyr.
“Jas paıdalanýshylardy zııandy kontentten qorǵaý maqsatynda platforma tirkelý formasyn ázirledi, onda tolyq týǵan kúnin kórsetý qajet, óıtkeni TikTok 13 jasqa tolmaǵan paıdalanýshylarǵa arnalmaǵan. Platforma avtomatty túrde jáne qolmen moderaııalaýdy qoldana otyryp, kórsetilgen kontentti (ekstremızmdi, radıkalızmdi, separatızmdi, shekten tys qaýipti jáne moraldyq qundylyqtarǵa qaıshy kontentter) anyqtaý jáne shekteý úshin algorıtm ázirledi”, – delingen premer-mınıstr habarlamasynda.
Sonymen qatar elimizde jelidegi avtomatty moderaııa bekitilgen biryńǵaı erejelerdi buzatyn kontentti anyqtaı alady jáne jedel áreket etýge múmkindik beredi.
“Kontentti moderaııalaýdyń ekinshi ádisi TikTok paıdalanýshylardan "shaǵymdaný" fýnkııasyna sáıkes túsetin shaǵymdarǵa negizdelgen (akkaýntqa, beınege nemese pikirge). Moderator komandalary jergilikti daýly kontentti tekseredi jáne eger ol paıdalanýshylarǵa qaýip tóndirse, ony joıady. Platforma atalǵan moderatorlar tobyn únemi jattyqtyryp turady”, – delingen resmı jaýapta.
Úkimet Tik Tok jelisiniń resmı ustanymy jergilikti qoǵamnyń qaýipsizdigin saqtaý ekenin de erekshe atap ótti.
“13 jasqa tolmaǵan akkaýnt ıeleriniń joıylǵan eseptik jazbalarynyń sanyn kópshilikke jarııa etken alǵashqy iri platforma Tik Tok boldy. 2024 jyldyń qańtar-tamyz aılary aralyǵynda TikTok 13 jasqa tolmaǵan paıdalanýshylarǵa tıesili Qazaqstandaǵy 1 239 635 eseptik jazbany joıdy, al ótken jyly olardyń sany 1 842 467 eseptik jazbany qurady”, – delingen habarlamada.
Aıta keteıik, senator Gennadıı Shıpovskıh premer-mınıstr Oljas Bektenovke joldaǵan depýtattyq saýalynda TikTok-ty buǵattaý kerek dep sanaıtynyn habarlaǵan edik.
Sondaı-aq, kórshiles Qyrǵyzstanda TikTok jelisin qoldanýǵa tyıym salynǵan bolatyn.
